رەسەي س س س ر جايلى گولليۆۋد فيلمىنە تىيىم سالدى
بۇل شەشىمگە «تاريحي فاكتىلەردىڭ بۇرمالانۋى جانە ۇلى وتان سوعىسىنا دەيىنگى، سوعىس كەزىندەگى جانە ودان كەيىنگى وقيعالارعا ءوز بەتىمەن باعا بەرۋ» سەبەپ بولعانى ايتىلادى. فيلمنىڭ پرەمەراسى رەسەيدە 16 - ساۋىردە ءوتۋى ءتيىس بولعان.
ورىس تىلىندە «نومەر 44» دەپ اتالاتىن فيلم بريتاندىق رومان- تريللەردىڭ جەلىسىمەن تۇسىرىلگەن. فيلمدە باستى رولدەگى ليەۆ دەميدوۆ - 1930 - جىلداردا ۋكراينادا بولعان اشتىقتان امان قالعان، س س س ر قاۋىپسىزدىك قىزمەتىنىڭ قۋعىنعا ۇشىراعان بۇرىنعى وفيتسەرى. ول بىرنەشە ادامدى ءولتىرۋشىنى ۇستايدى. فيلم جەلىسى س س سر- دە 52 ادامدى ءولتىردى دەپ تانىلىپ، 1995 - جىلى ءولىم جازاسىنا كەسىلگەن اتىشۋلى اندرەي چيكاتيلو ءىسى جايلى ناقتى وقيعاعا قۇرىلعان.
رەسەي مادەنيەت مينيسترلىگىنىڭ مالىمدەۋىنشە، ساراپشىلار سوۆەت وداعىنىڭ ناتسيستىك گەرمانيانى جەڭۋىنىڭ 70 جىلدىعى قارساڭىندا بۇل فيلمدى كورسەتۋ «ءجونسىز» دەپ تاپقان.
رەسەي پرەزيدەنتى ۆلاديمير پۋتين مەن ونىڭ ۇكىمەتى ماسكەۋدىڭ 20- عاسىر تاريحىنداعى، ونىڭ ىشىندە ەكىنشى دۇنيەجۇزىلىك سوعىستاعى رولىنە كۇدىك كەلتىرەتىن كەز- كەلگەن ارەكەتكە قارسىلىق تانىتادى.
«ازاتتىق» سايتى
