08:18, 16 - ءساۋىر 2015 | GMT +5
باتىس قازاقستاندىق پاراشوتشىلار بۇكىل رەسەيلىك جارىستان ولجالى ورالدى - فوتو
ورال. قازاقپارات - رەسەيدىڭ ساراتوۆ قالاسىنداعى «دۋبكي» اۋەجايىندا عارىشكەرلەر كۇنىنە جانە ي. گاگاريننىڭ تۋعانىنا 81 جىل تولۋىنا ارنالعان جەرگە ءدال تۇسۋدەن بۇكىل رەسەيلىك جارىستان پاراشوت سپورتىنان ب ق و قۇراماسى ولجالى ورالدى.
ب ق و قۇراماسىنىڭ اعا باپكەرى ر. سيۋنديۋكوۆتىڭ حابارلاعانىنداي، اتالمىش جارىسقا سونداي-اق ساراتوۆ، ۋليانوۆسك، ۆولگوگراد قالالارىنىڭ دا كوماندالارى قاتىستى.
باتىس قازاقستاندىقتاردان الەكساندرا لارينا جەكەلەي سىندا التىننان القا تاقسا، ەۆگەني كۋتافين مەن داريا موسكاليەۆا ەكىنشى ورىندى ەنشىلەدى. جەرگە ءدال تۇسۋدە توپتىق سەكىرۋدەن ب ق و ەرلەر قۇراماسى قولا جۇلدەنى جەڭىپ الدى.
جارىس قورىتىندىسىندا ب ق و قۇراماسى بارلىعى ءبىر التىن، ەكى كۇمىس، ءۇش قولا مەدالدى يەلەندى.
