08:10, 16 - ءساۋىر 2015 | GMT +5
الماتىدا ماجارستان كينولارىنىڭ فەستيۆالى وتەدى
استانا. قازاقپارات - الماتىدا 24-26- ءساۋىر ارالىعىندا ماجارستان كينولارىنىڭ فەستيۆالى وتەدى. باعدارلاماعا سوڭعى جىلدارى جارىق كورگەن ۆەنگرلىك ۇزدىك فيلمدەر ەنىپ وتىر.
شارانى ماجارستاننىڭ الماتىداعى باس كونسۋلدىعى ولەگ بورەتسكيدىڭ كينو كلۋبىمەن بىرلەسىپ ۇيىمداستىرىپ وتىر.
فەستيۆال باعدارلاماسى بويىنشا وندا «سوڭعى مونتاج، حانىمدار مەن مىرزالار!» («Final Cut: Hölgyeim és uraim», 2012)، «مەفيستو» («Mephisto» 1981)، «قالىڭ داپتەر» (A nagy füzet, 2013) ءتارىزدى ۇزدىك تۋىندىلار كورەرمەنگە ۇسىنىلادى.
بۇل كورسەتىلىمدەر «سەزار» كينو تەاترىندا ۇيىمداستىرىلادى. بارلىق كارتينالار ءتۇپ نۇسقا تىلدە ورىس تىلىندەگى سۋبتيترىمەن بەرىلەدى، دەپ حابارلايدى kinostan.kz.
