بەيسەنبى كۇنى رەسپۋبليكانىڭ باسىم بولىگىندە جاۋىن-شاشىن بولادى

استانا. قازاقپارات - 16- ءساۋىر كۇنى رەسپۋبليكانىڭ بارلىق ايماقتارى اتموسفەرالىق فرونتالدى بولىكتەردىڭ وتۋىنە بايلانىستى، كەي جەرلەردە جاۋىن-شاشىن ساقتالادى، نايزاعاي، تۇمان، جەلدىڭ كۇشەيۋى كۇتىلەدى. بۇل تۋرالى «قازگيدرومەت» ر م ك حابارلادى.

اقمولا، سولتۇستىك قازاقستان، ماڭعىستاۋ، قىزىلوردا وبلىستارىنىڭ كەي جەرلەرىندە تۇمان كۇتىلەدى. الماتى، جامبىل، وڭتۇستىك قازاقستان وبلىستارىنىڭ كەي جەرلەرىندە جەل 15-23 م/س كۇشەيەدى، نايزاعاي كۇتىلەدى. پاۆلودار، شىعىس قازاقستان، كۇندىز قوستاناي، باتىس قازاقستان وبلىستارىندا كەي جەرلەرىندە جەل 15-20 م/س كۇشەيەدى. قاراعاندى وبلىسىنىڭ كەي جەرلەرىندە جەلدىڭ كۇشى 15-20 م/س بولادى، تۇمان بايقالادى.