21:13, 15 - ءساۋىر 2015 | GMT +5
بەس جىل بويى جاردەماقىسىن الا الماي جۇرگەن كەمباعال ءوزىن-ءوزى جاعىپ جىبەرمەك بولدى
استانا. قازاقپارات - تۇركيانىڭ مالاتيا قالاسىندا 42 جاستاعى ەر ادام قالالىق اكىمشىلىكتىڭ الدىندا ءوزىن- ءوزى جاعىپ جىبەرمەك بولدى.
ابىروي بولعاندا جيىلعان جۇرت دەر كەزىندە ۇستىندە لاۋلاپ جانعان كيىمىن شەشىپ، ونى امان الىپ قالدى. 5 جىل بويى مۇگەدەكتىگى بويىنشا تولەنەتىن جاردەماقىسىن الا الماي جۇرگەن ول اۋداندىق اكىمشىلىكتىڭ ەسىگىن بىرنەشە رەت قاعىپتى، الايدا وتىنىشىنە ەشكىم قۇلاق اسپاعان. جالدامالى پاتەرىنە تولەيتىن اقشاسى قالماي، قارىزعا بەلشەسىنەن باتقاننان سوڭ بارار جەرى، باسار تاۋى قالماعان.
وسىلايشا وزىنە قول جۇمساپ، ومىرىمەن قوشتاسپاق بولدى. وسى وقيعادان كەيىن قيىن جاعدايدا قالعان كەمباعالمەن جۇزدەسىپ، جەكە ماسەلەسىن تىڭداعان مالاتيا گۋبەرناتورى ونىڭ 2 مىڭ ليرا بولاتىن بۇكىل قارىزى مەن پاتەرىنىڭ ءبىر ايلىعىن تولەپ بەرەتىنىن ايتىپ، ودان كەلەسى جولى مۇنداي ارەكەتتى قايتالاماۋىن سۇرادى.
www.24.kz
