مۋزارت توبىنىڭ مۇشەسى عاشىقتار كۇنىنە ارنالعان ەسكەرتكىشتى سىنعا الدى
مايعازيەۆتىڭ ايتۋىنشا، عاشىقتار كۇنىنە ارنالعان ەسكەرتكىشتىڭ ساۋكەلە كيىپ، كىندىگى كورسەتىلگەنى وعاش كورىنەدى.
«بوياۋشى، بوياۋشى دەگەن سايىن ساقالىنا دەيىن بوياپ تاستاپتى...»- نىڭ كەرى كەلگەن ەكەن. مىناۋ نە «فانتازياسى»، تاعى؟! الماتىنىڭ كورنەكتى ورىندارىنىڭ بىرىنە ورناتقان بايان- سۇلۋ ەسكەرتكىشى-مىس. ساۋكەلە كيىپ، كىندىگىن اشقان سۋ پەرىسى. سۇمدىق- اي!»، - دەپ جازدى ءانشى.
ەسكە سالا كەتەيىك، وسىعان دەيىن عاشىقتار كۇنىندە الماتىدا «سۋ پەرىسى» سۋبۇرقاعىنىڭ اشىلعانى حابارلانعان بولاتىن. ول گوگول مەن بۇزىربايەۆ كوشەلەرىنىڭ قيىلىسىندا، ورتالىق دەمالىس ساياباعى جانىندا ورنالاسقان. ەسكەرتكىشتىڭ اۆتورى - باۋىرجان جۋاسبايەۆ.
عاشىقتار كۇنىنە ارنالعان ەسكەرتكىشتىڭ اشىلۋىنا اكىمدىك باسشىلارى، قازاقستان حالقى اسسامبلەياسى وكىلدەرى، تانىمال پروديۋسەرلەر بايان ەسەنتايەۆا مەن ەريك تاستامبەكوۆ، الماتى كاسىپكەرلەرى قاتىستى.
ايتا كەتەيىك، ەسكەرتكىشتىڭ اشىلۋ سالتاناتىندا بايان ەسەنتايەۆا سۋ پەرىسىنىڭ بەينەسىنە بايلانىستى پىكىرىن ايتقان ەدى. «(...) ادام نە كورگىسى كەلسە، سونى كورەدى، نە ەستىگىسى كەلسە، سونى ەستيدى. سوندىقتان مەن ءۇشىن سۋ پەرىسى مەن ءۇشىن ماڭگىلىك ماحابباتتىڭ سيمۆولى»، - دەگەن بولاتىن.
