يۋتۋب رەسۋرسىندا قازاق ءتىلى ىسكە قوسىلدى

استانا. قازاقپارات - YouTube رەسۋرسىندا قازاق ءتىلى قوسىلدى، - دەپ حابارلايدى Massaget.kz باسىلىمى.

رەسۋرستىڭ ساراپشىلارىنىڭ ايتۋىنشا، Google كومپانياسىنىڭ ينتەرنەت- سەرۆيسى - YouTube تاعى دا 15 تىلمەن تولىقتى. «ناتيجەسىندە ۆيدەوحوستينگ الەمنىڭ 76 تىلىندە قىزمەت كورسەتە الاتىن بولادى»، - دەدى ولار.

ايتا كەتەيىك، بۇگىندە YouTube ۆيدەوحوستينگىن عالامتور پايدالانۋشىلارىنىڭ 95 پايىزى قولدانادى. سايتتاعى ۆيدەولاردىڭ ورتاشا كورىلىمى 2 ميللياردقا جۋىق.

YouTube ۆيدەوحوستينگىنە قازاق تىلىنەن باسقا ءازىربايجان، ارميان، بيرمان، گرۋزين، قىرعىز، لاوس، ماكەدون، موڭعول، نەپال، پەندجابي، سينگال، البان، وزبەك تىلدەرى دە ەندى. بۇل قولدانۋشىلاردىڭ ىزدەۋ جۇمىستارىن جەڭىلدەتەدى.

ەسكە سالا كەتەيىك، 2014 -جىلدىڭ جەلتوقسانىندا Google اۋدارماشىسىنا قازاق ءتىلىنىڭ ەنگىزىلگەنى حابارلانعان بولاتىن.