سەناتور ا. بيجانوۆ بەيجىڭدە بولدى
كەزدەسۋگە سونىمەن قاتار، قىتاي داوشىلارى، بۋدداشىلارى جانە مۇسىلماندار اسسوتسياتسيالارىنىڭ جەتەكشىلەرى قاتىستى.
جۇزدەسۋ بارىسىندا ا. بيجانوۆ 2015 -جىلعى 10-11 ماۋسىمدا استانادا وتەتىن الەمدىك جانە ءداستۇرلى دىندەر ليدەرلەرىنىڭ الداعى V سەزىنە بۋدداشىلار مەن داوشىلار اسسوتسياتسيالارىنىڭ جەتەكشىلەرىنە شاقىرۋدى تابىس ەتتى.
ا. بيجانوۆ قىتاي بۋدداشىلارى، داوشىلارى جانە مۇسىلماندار اسسوتسياتسيالارىنىڭ جەتەكشىلەرىنەن تۇراتىن قىتاي دەلەگاتسياسىنىڭ سەزگە قاتىسۋى ءداستۇرلى قىتاي كونفەسسيالارىنىڭ ىزگى نيەتى مەن وركەنيەتارالىق جانە ءدىنارالىق ءۇنقاتىسۋدى بەلسەندى تۇردە جاھاندىق دەڭگەيدە ىلگەرىلەتۋگە ۇمتىلىسىن كورسەتەدى، دەپ اتاپ ءوتتى. سەناتور الداعى سەزد «ءدىني كوشباسشىلار مەن ساياسي قايراتكەرلەردىڭ بەيبىتشىلىك پەن دامۋ جولىنداعى ءۇنقاتىسۋى» تاقىرىبى بويىنشا وتەتىنى تۋرالى حاباردار ەتتى.
ۋاڭ زوان الەمدىك جانە ءداستۇرلى دىندەر ليدەرلەرىنىڭ الداعى V سەزىنە قاتىسۋعا شاقىرعانى ءۇشىن قازاقستان باسشىلىعىنا العىسىن ءبىلدىردى جانە مادەنيەت پەن وركەنيەتتىڭ جاھاندىق ءۇنقاتىسۋىن ىلگەرىلەتۋ جونىندەگى بەدەلدى حالىقارالىق الاڭعا اينالعان وسى فورۋمدى وتكىزۋ تۋرالى پرەزيدەنتتىڭ باستاماسىنىڭ ماڭىزدىلىعىن اتاپ ءوتتى.
قىتاي جاعى ەكىجاقتى ىنتىماقتاستىق پەن دوستىق بايلانىستاردىڭ الەۋەتى بۇدان بىلاي قازاقستان مەن قىتاي حالىقتارى اراسىنداعى وركەنيەتارالىق جانە ءدىنارالىق ءۇنقاتىسۋدىڭ دامۋ قارقىنىمەن باي تۇسەتىنە سەنىم ءبىلدىردى.
2015 -جىلعى 15 - ساۋىردە سەناتور ا. بيجانوۆ، قازاقستان رەسپۋبليكاسى - قىتاي حالىق رەسپۋبليكاسى پارلامەنتارالىق ىنتىماقتاستىق توبىنىڭ جەتەكشىسى قىتاي كومپارتياسى ورتالىق كوميتەتى حالىقارالىق ءبولىمى جەتەكشىسىنىڭ ورىنباسارى، قازاقستان رەسپۋبليكاسى- قىتاي حالىق رەسپۋبليكاسى پارلامەنتارالىق ىنتىماقتاستىق توبى جەتەكشىلەرىنىڭ ءبىرى چىن فڭشيانمەن كەزدەستى. جۇزدەسۋ بارىسىندا تاراپتار ەكى ەلدىڭ پارلامەنتارالىق ءۇنقاتىسۋىن ودان ءارى نىعايتۋ ماسەلەلەرىن تالقىلادى.
اۆتور: سەرىك قاراجان
