ەكى ەر ادام ۇرلاپ العان جىلقىلارىمەن سەلفي تۇسىرگەننەن كەيىن ۇستالدى
بۇل تۋرالى Tengrinews.kz تىلشىسىنە الماتى وبلىستىق ءى ءى د باسپا ءسوز وكىلى كوبەيحان نۇراحمەت ايتىپ بەردى.
ءتارتىپ ساقشىلارى ەكى ەر ادامدى ۇستادى: قازاقستاننىڭ 1989 -جىلى ۇستالعان ازاماتى جانە 1977 -جىلى دۇنيەگە كەلگەن قىرعىزستاندىق. پوليتسەيلەر ىلە اۋدانىنىڭ تەرريتورياسىنداعى 6 مال ۇرلىعى قىلمىسىن اشتى.
كۇدىكتىلەر ايلانى بىرنەشە جىل بويى ويلاستىرعان. سول ۋاقىتتان بەرى ولار فەرمەرلەردەن 31 جىلقىنى ايداپ اكەتكەن. ولاردىڭ ىشىندە اقالتەكە تۇقىمدى ەكى جىلقى جانە 14 ءمۇيىزدى ءىرى قارا بار. زارداپ شەككەندەرگە جالپى 10 ميلليون تەڭگە كولەمىندە شىعىن كەلتىرىلدى.
«تەرگەۋ كەزىندە ايداپ اكەتىلگەن مالدىڭ باۋىزدالعان جەرى تابىلدى. ەتتەرى الماتىداعى بازارلاردا ساتىلىپ جۇرگەن. كۋاگەرلەردىڭ ايتقان سوزدەرىمەن قاتار، تەرگەۋشىلەردىڭ زاتتاي ايعاقتارى دا بار. بۇل ايعاقتار ۇستالعانداردىڭ بۇل قىلمىسقا قاتىسى بار ەكەنىن دالەلدەيدى. مۇندا ماسەلە ولاردىڭ ۇيالى تەلەفوندارىنداعى سۋرەتتەر جايلى بولىپ وتىر. ولار ۇرلانعان جىلقىلارمەن بىرگە سەلفي جاساعان»، - دەدى نۇراحمەت.
قازىرگى ۋاقىتتا كۇدىكتىلەر قاماۋدا وتىر، ولاردىڭ وسىعان ۇقساس باسقا دا قىلمىستارعا قاتىسى بار- جوعى انىقتالۋ ۇستىندە.
