قاراعاندى وبلىسىنىڭ اكىمدىگى «جىلۋ» جيناۋشىلارعا ساقتىقپەن قاراۋعا شاقىردى
جەرگىلىكتى بيلىك مۇنداي قايىرىمدىلىق شارالارىنا ساقتىقپەن قاراپ، تەكسەرىپ اتسالىسۋعا شاقىردى.
وبلىس اكىمدىگى تابيعي اپاتتان زارداپ شەككەن جاندارعا كومەك كورسەتكىسى كەلگەن وتانداستارىمىزعا العىس بىلدىرە وتىرىپ، مۇنداي جاعدايدى پايدالانىپ كەتەتىن كەيبىر الاياقتاردان ساق بولۋ كەرەكتىگىن ەسكەرتتى.
سونداي-اق، وبلىستا جەدەل شتاب جۇمىس جاسايتىنى جانە ولار سۋدا قالعان ءار ەلدى مەكەندە بار ەكەنى ايتىلعان.
«ەشبىر ادام، ەشبىر جانۇيا جەرگىلىكتى اتقارۋشى ورگانداردىڭ نازارىنان تىس قالمايدى. اپاتتان زارداپ شەككەندەر ەسەپكە الىندى. بارلىعىنا جان-جاقتى قولداۋ كورسەتىلەدى»، - دەدى قاراعاندى وبلىستىق اكىمدىگىندە.
كەلتىرىلگەن زالالدىڭ ورنى زاڭناماعا ساي تولتىرىلادى. شىعىن كولەمىن ارنايى ساراپتاۋ كوميسسياسى باعالاپ جاتىر.
«بارلىق ەلدى مەكەندە باقىلاۋ پۋنكتتەرى ورناتىلدى. قاۋىپسىز جەرگە شىعارىلعان مۇلىكتى قۇقىق قورعاۋ ورگاندارىنىڭ قىزمەتكەرلەرى كۇزەتەدى. بۇگىندە ۇرلاۋ- توناۋ فاكتىسى تىركەلگەن جوق»، - دەدى وبلىس اكىمدىگىنىڭ باسپا ءسوز قىزمەتىنەن.
