قازاقستان قورعانىس مينيسترلىگىنىڭ سۇلۋلىق بايقاۋى شەتەلدىك اقپارات قۇرالدارىنىڭ قىزىعۋشىلىعىن وياتتى
رەسپۋبليكالىق «باتىر ارۋلار» بايقاۋىنا قاتىسۋشىلار تۋرالى ماقالانى بريتاندىق Daily Mail تابلويدى، سەرب پورتالى Blic جانە نەمىس اقپاراتتىق كۇندەلىكتى Die Welt گازەتى جاريالادى. Daily Mail ماتەريالىنىڭ اۆتورى سايمون توملينسون بايقاۋعا قاتىسۋ شارتتارىن سيپاتتاپ، سايتقا بىرنەشە قاتىسۋشىلاردىڭ سۋرەتتەرىن ورنالاستىردى. سونداي-اق، وقىرمانداردىڭ بىرنەشە پىكىرىن جاريالادى.
ەسكە سالا كەتەيىك، «باتىر ارۋلار» بايقاۋىنا ونلاين داۋىس بەرۋ قورعانىس مينيسترلىگىنىڭ سايتىندا ءجۇرىپ جاتىر. بۇگىنگى تاڭدا بايقاۋعا قاتىسۋشىلارعا 30 مىڭنان اسا داۋىس بەرىپ ۇلگەردى. قورعانىس مينيسترلىگىنىڭ وكىلدەرىنىڭ ايتۋىنشا، قازاقستاندىقتارمەن بىرگە كورشىلەس ەلدەردىڭ تۇرعىندارى دا بەلسەندى تۇردە داۋىس بەرىپ جاتىر، ولاردىڭ قاتارىندا: رەسەي، ا ق ش، گەرمانيا، يندونەزيا مەن ءۇندىستان بار.
بايقاۋعا قازاقستان قارۋلى كۇشتەرىنىڭ بارلىق تۇرلەرى مەن اسكەري تەتىكتەرىنەن، سونداي-اق ق ر ق م ورتالىق اپپاراتىنان بارلىعى 123 ايەل قاتىسىپ جاتىر. بايقاۋ قورىتىندىسىندا ەڭ كوپ داۋىس جيناعان 12 ۇمىتكەر ىرىكتەلىپ الىنادى. ءالى داۋىس بەرىپ ۇلگەرمەگەندەردىڭ وسى جىلدىڭ 10- مامىرىنا دەيىن ءوزىنىڭ داۋىسىن ۇناعان قاتىسۋشىعا بەرۋ مۇمكىندىگى بار. ايتا كەتەيىك، حالىقتىڭ كوزايىمىنا اينالعان ايتۋلى بايقاۋدىڭ 12 جەڭىمپازى 2016-جىلعى مامانداندىرىلعان كۇنتىزبە ارنالعان كاسىبي فوتو سەسسياعا قاتىسادى.
