دارىگەرلەر تار شالباردىڭ زيان ەكەنىن ايتىپ وتىر

استانا. قازاقپارات -  بۇگىندە امەريكالىق برەندكە اينالعان دجينسى شالبارلارىن كيمەيتىن ادام الەمدە كەمدە- كەم. ۇل مەن قىز، كارى مەن جاس، باي مەن كەدەيدىڭ دە گاردەروبىنان كەمى ءبىر دجينسىدىڭ تابىلاتىنى انىق.

 ويتكەنى، اتالعان كيىم ءتۇرى ءجۇرىپ- تۇرۋعا وتە قولايلى. ونىڭ ۇستىنە باعاسى دا اركىمنىڭ قالاۋىنشا. ال، قىزدار اراسىندا سانگە اينالعان تار دجينسى شالبارلاردىڭ زيان ەكەنىن دارىگەرلەر بۇگىندە دابىل قاعا ايتىپ وتىر.

جۇرگىزىلگەن زەرتتەۋدىڭ ناتيجەلەرى كورسەتكەندەي، ۇنەمى تار شالبار كيىپ جۇرەتىن ادامداردىڭ دەنساۋلىقتارىندا اۋرۋدىڭ بىرنەشە ءتۇرى كەزدەسەدى ەكەن. ولاردىڭ باسى ءجيى اينالىپ، نەسەپ جولدارى اۋرۋلارىنا شالدىعادى. ۆاشينگتوندىق دارىگەر كارەن بويلدىڭ ايتۋىنشا، تار شالبارلار نيەۆريت اۋرۋىنا، جۇيكەنىڭ قابىنۋى مەن جامباس تامىرلارىنىڭ قىسىلۋىنا اكەلىپ سوعادى.

نيەۆريتكە شالدىققان ادامنىڭ جامباسىندا شانشۋ پايدا بولىپ، اياعى ءجيى ۇيىپ قالا بەرەتىن بولادى. دارىگەرلەر سوندىقتان جاس قىزداردىڭ تار دجينسىدان كورى جۇمساق ماتادان تىگىلگەن شالبارلاردى كيگەنى ابزال دەپ كەڭەس بەرىپ وتىر.

سونداي- اق، ەر كىسىلەرگە دە دجينسىدىڭ تيگىزەتىن ايتارلىقتاي زيانى بار. ەگەر تار دجينسى شالبار كيسە، وندا بەلدەن تومەن ورنالاسقان تامىرلار قىسىلىپ، قالىپتى جۇمىس ىستەۋىن توقتاۋى مۇمكىن. بۇل ءوز كەزەگىندە جىنىس مۇشەسىنىڭ ءتۇرلى اۋرۋلارىنا اكەلىپ سوعادى. سوندىقتان ەر ازاماتتارعا دا تار ەمەس، ەركىن تۇراتىن شالبار كيۋ كەرەك. دجينسىدىڭ ەرلەرگە ارنالعان كەڭ تىگىلگەن تۇرلەرى بار، ال، ايەلدەردە مۇنداي تاڭداۋ جوقتىڭ قاسى.

دەمەك، «كيىمنىڭ سۇلۋىنان جىلۋى جاقسى» دەگەن ءسوزدى ەسكە الا وتىرىپ، دەنساۋلىققا كوڭىل بولگەنىمىز ابزال.

Baq.kz