الەمنىڭ كوڭىل قالدىرارلىق ساياحات ورتالىقتارى - فوتو
مىسىر، ءسوزسىز، الەمدەگى ەڭ تانىمال تۋريستىك باعىتتاردىڭ ءبىرى. بىرەۋلەر ول جەرگە پيراميدالاردى كورۋگە بارسا، بىرەۋلەر دايۆينگ ءۇشىن ساياحاتقا اتتانادى.
بارلىعى فاراوندار ەلىنەن ريزا بولماي قايتادى دەۋدەن اۋلاقپىز. دەسەك تە، كوپشىلىگى سەرۆيستىڭ ناشارلىعى، كوشەلەردىڭ لاستىعى جانە ساۋداگەرلەردىڭ الداۋعا اۋەستىگى ساياحاتتىڭ شىرقىن بۇزعاندىعىن جاسىرمايدى.
ستوۋنحەندج. كەي تۋريستەر ونىڭ سۋرەتتە الدەقايدا ادەمى كورىنەتىندىگىن ايتادى. العاش كورگەندەر ونىڭ كىشكەنتاي ەكەندىگىنە، ال جاقىننان كورۋگە مۇمكىندىك بەرەتىن جول جاسالماعانىنا شاعىم بىلدىرەدى. ەكسكۋرسيا الىستان كوز تىگۋمەن عانا اياقاتالادى ەكەن.
ال لوس- اندجەلەسكە بارساڭىز، «پەرىشتەلەر قالاسىنىڭ» لاس ءارى قاۋىپتى ەكەنىنە كوز جەتكىزەسىز. سونىمەن قاتار، تۋرسيتەردى قالانىڭ ۇزىن- سونار كەپتەلىستەرى شارشاتادى ەكەن.
تانىمال «داڭق اللەياسى» دا كوڭىلىڭىزدەن شىقپاۋى مۇمكىن. سەبەبى، ءدال سول جەردە ۇيىقتاپ جاتقان ءۇيسىز ازاماتتاردى ءجيى كەزدەستىرەتىن بولاسىز.
دۋباي «جالعان» ءارى «قوناقجاي ەمەس» قالا دەپ اتالدى: ءزاۋلىم قۇرىلىستاردىڭ قاسىنداعى ەسكى لاشىقتار كوڭىل- كۇيدى تۇسىرەدى. جانە ەڭ باستىسى، دۋباي - وتە ىستىق قالا.
پاريج - الەم بويىنشا ەڭ كوپ تۋريستەر جينايتىن قالالاردىڭ ءبىرى. جىل سايىن مۇندا الەمنىڭ تۇكپىر- تۇكپىرىنەن 32 ميلليون ادام كەلەدى.
لۋۆر، ەيفەل مۇناراسى، مونمارتر جانە وزگە قۇرىلىستارى كوڭىلدەن شىعادى. الايدا، تۋريستەردى جەرگىلىكتى تۇرعىندار قوناقجايلىقپەن قارسى الۋى ەكىتالاي.
«مەن ءتىپتى كوفەگە تاپسىرىس بەرگەندە، داياشىنىڭ جەككورىنىشتى كوزدەرىن بايقادىم»، - دەپ شاعىمدانادى Reddit.com پايدالانۋشىلارىنىڭ ءبىرى.
«تۋريستەر ءۇشىن ەڭ ءىرى قاقپان» دەپ ۆەنەتسيا تانىلدى. ول جەردە تۋريستەر كوپ بولاتىنى سونشالىق، ءتىپتى كافەدە بوس ورىن تابىلمايدى ەكەن. ەندىگى ۆەنەتسيا تۇرعىندارى تۋريستەر جايلى نە ويلاتىنىن پايىمداي بەرىڭىز.
سونداي- اق باليدىڭ ايتارلىقتاي دامىماعان ينفراقۇرىلىمى، ونشا تازا ەمەس جاعاجايلارى تۋريستەردىڭ اتالمىش ارالدى جۇماق ورىن دەپ اتاۋعا لايىق ەمەستىگىن بايقاتقان.
nur.kz
