12:17, 15 - ءساۋىر 2015 | GMT +5
تاس قالاۋدان وتكەن رەسپۋبليكالىق جارىستا ەرسۇلتان قانات ۇلى ءۇشىنشى ورىندى ەنشىلەدى
قىزىلوردا. قازاقپارات- حالىقارالىق «WorldSkills Kazakstan» بايقاۋىنىڭ ايماقتىق چەمپيوناتىنىڭ ىرىكتەۋ كەزەڭىندە قازالىلىق 18 جاسار ستۋدەنت ەرسۇلتان قاسىم «ۇزدىك تاس قالاۋشى» نوميناتسياسى بويىنشا باس جۇلدەگە يە بولىپ، ۇلتتىق چەمپيوناتقا جولداما العان ەدى.
ق ر كوللەدجدەر قاۋىمداستىعى جانە ۇلتتىق كاسىپكەرلەر پالاتاسىنىڭ ۇيىمداستىرۋىمەن استانا قالاسىندا وتكەن رەسپۋبليكالىق بايقاۋدا وڭىرلىك چەمپيوناتتاردىڭ جونۋ ءىسىنىڭ شەبەرلەرى، دانەكەرلەۋشىلەر، كىرپىش قالاۋشىلار، سىلاق جانە گيپسوكارتون جۇمىسىنىڭ ماماندارى، شاشتارازدار مەن مەيرامحانا ءىسىنىڭ جانە ІТ - جۇيەسىن باسقارۋدىڭ ۇزدىكتەرى باق سىناستى. چەمپيوناتقا قىزىلوردا وبلىسىنىڭ اتىنان قاتىسقان قازالى اگرارلىق- تەحنيكالىق كوللەدج ستۋدەنتى ەرسۇلتان قانات ۇلى جۇزدەن جۇيرىك شىعىپ، 3- ورىندى يەلەنىپ قايتتى.
ايتا كەتەيىك، WorldSkills - بۇل الەم بويىنشا تەحنيكالىق ماماندىقتاردىڭ بەدەلىن جانە كاسىبي دايىندىق ستاندارتتارىن جوعارىلاتۋدى ماقسات تۇتقان حالىقارالىق قاۋىمداستىق.
اۆتور: ەلۋباي اۋەزوۆ
