قازاقستاننىڭ قىتايداعى ەلشىسى ش. نۇرىشيەۆ ق ح ر ءتوراعاسى شي جينپينگە سەنىم گراموتالارىن تاپسىردى

استانا. قازاقپارات - پەكيندە قازاقستان رەسپۋبليكاسىنىڭ قىتاي حالىق رەسپۋبليكاسىنداعى توتەنشە جانە وكىلەتتى ەلشىسى شاحرات نۇرىشيەۆ قىتاي حالىق رەسپۋبليكاسىنىڭ ءتوراعاسى شي جينپينگە سەنىم گراموتالارىن تاپسىردى.

بۇل تۋرالى ق ر ءس ءى م باسپا ءسوز قىزمەتىنەن حابارلادى.

 راسىمنەن كەيىن قىتاي باسشىسىمەن وتكىزىلگەن سۇحبات كەزىندە قازاقستان- قىتاي ەكىجاقتى قاتىناستاردىڭ قازىرگى جاعدايى مەن كەلەشەگى، الدا جوسپارلانعان جوعارى دەڭگەيدەگى ساپارلار تالقىلاندى.

شي جينپين ق ر مەن ق ح ر ىقپالداستىقتىڭ ءتۇرلى سالالارىندا ءالى كوپتەگەن جوبالاردى ىلگەرىلەتىپ، جۇزەگە اسىرۋى ءتيىس دەپ اتاپ ءوتتى.

ق ح ر باسشىسى «جىبەك جولىنىڭ ەكونوميكالىق بەلدەۋى» باستاماسىن العاش رەت 2013 ج. قىرقۇيەكتە نازاربايەۆ ۋنيۆەرسيتەتىندە جاريا ەتكەنىن ەرەكشە اتاپ ءوتتى. وسى ورايدا، بۇل باعىتتى ەكىجاقتى ىنتىماقتاستىق شەڭبەرىندە بىرلەسىپ دامىتۋعا ءۇمىت ءبىلدىردى. سونىمەن قاتار، ق ر پرەزيدەنتى ن. نازاربايەۆقا جىلى سالەمىن جولدادى.

 ءوز كەزەگىندە، شاحرات نۇرىشيەۆ ق ر پرەزيدەنتى ن. نازاربايەۆتىڭ اتىنان جولدانعان جىلى لەبىزى مەن سالەمىن جەتكىزدى.

 قازاقستاننىڭ ەلشىسى، سونىمەن قاتار، ق ر پرەزيدەنتى ن. نازاربايەۆتىڭ «نۇرلى جول» جاڭا ەكونوميكالىق ساياساتى جانە ق ح ر ءتوراعاسى شي جينپيننىڭ «جىبەك جولىنىڭ ەكونوميكالىق بەلدەۋى» باستامالارى ءبىر- ءبىرىن ءوزارا تولىقتىراتىنىن جانە ولاردىڭ ىسكە اسىرىلۋى قازاقستان مەن قىتاي قاتىناستارىن زور نىعايتاتىنىن اتاپ ءوتتى.

ش. نۇرىشيەۆ قازاقستاندىق تاراپ قىتايمەن ەكىجاقتى جانە كوپجاقتى فورماتتاردا ءوزارا ءتيىمدى ىنتىماقتاستىقتى ودان ءارى دامىتۋعا دايىن ەكەنىن ءبىلدىردى.