07:17, 15 - ءساۋىر 2015 | GMT +5
برازيليا فۋتبول كلۋبىندا جاتتىعىپ جۇرگەن قازاقستاندىق جاسوسپىرىمدەر حالىقارالىق تۋرنيرلەرگە قاتىسادى
استانا. قازاقپارات - قازاقستاننىڭ برازيلياداعى ەلشىسى باقىتجان وردابايەۆ قازاقستاندا جاسوسپىرىمدەر سپورتىن دامىتۋ پرەزيدەنتتىك باعدارلاماسىنىڭ شەڭبەرىندە 26 قازاقستاندىق جاسوسپىرىم جاتتىعىپ جۇرگەن «كرۋزەيرو» فۋتبول كلۋبىنا باردى، دەپ حابارلايدى ق ر س ءى م باسپا ءسوز قىزمەتىنەن.
فۋتبول كلۋبىنىڭ پرەزيدەنتى جيلۆان تاۆارەسپەن كەزدەسۋى بارىسىندا ب. وردابايەۆ جاس قازاقستاندىق سپورتشىلاردىڭ كلۋبتا ءبىلىم الۋ جانە جاتىپ-تۇرۋ ماسەلەلەرىنىڭ جاي-جاپسارىن تالقىلادى. ج. تاۆارەس قازاقستاندىق جاستار جاتتىعۋ ساباقتارىندا وزدەرىنىڭ بىلىكتىلىگىن ۇنەمى ارتتىرۋ ارقىلى تاماشا كورسەتكىشتەرگە قول جەتكىزىپ جۇرگەندەرىن ايتتى.
سونىمەن قاتار «كرۋزەيرو» ف ك باسشىلىعى وزگە فۋتبول كلۋبتارىمەن جانە شەتەلدىك فەدەراتسيالارمەن قازاقستاندىقتاردىڭ برازيلياداعى ءتۇرلى دەڭگەيلەردەگى، سونىڭ ىشىندە حالىقارالىق دەڭگەيدەگى جاسوسپىرىمدەر تۋرنيرلەرىنە توپ رەتىندە قاتىسۋى تۋرالى كەلىسىمگە قول جەتكىزىلگەنى تۋرالى حابارلادى.
