20:49, 14 - ءساۋىر 2015 | GMT +5
ن. ەرمەكبايەۆ: ءدىني ەكسترەميزم مەن تەرروريزمگە قارسى كۇرەستە تىعىز ىنتىماقتاستىق قاجەت
ماسكەۋ. قازاقپارات - ءدىني ەكسترەميزم مەن تەرروريزمگە، ەكسترەميستىك كوزقاراستار مەن يدەيالاردىڭ تارالۋىنا قارسى كۇرەستە تىعىز ىنتىماقتاسۋ قاجەت.
بۇل تۋرالى بۇگىن ماسكەۋدە شاڭحاي ىنتىماقتاستىق ۇيىمىنا مۇشە مەملەكەتتەردىڭ قاۋىپسىزدىك كەڭەستەرى حاتشىلارىنىڭ 10 - كەزدەسۋىندە ەلىمىزدىڭ دەلەگاتسياسىنىڭ باسشىسى قازاقستان رەسپۋبليكاسى پرەزيدەنتىنىڭ كومەكشىسى - ق ر قاۋىپسىزدىك كەڭەسىنىڭ حاتشىسى نۇرلان ەرمەكبايەۆ ءمالىم ەتتى.
بۇل تۋرالى «قازاقپاراتتىڭ» رەسەي استاناسىنداعى ءتىلشىسى مەدەت احمەتوۆ حابارلادى.
قازاقستاندىق دەلەگاتسيا باسشىسى بۇگىنگى تاڭدا كوپتەگەن ەلدەر ءۇشىن وزەكتى بولىپ وتىرعان سالادا تىعىز ىنتىماقتاستىق قاجەت ەكەنىنە ەرەكشە نازار اۋداردى.
ەسكە سالا كەتەيىك، ش ى ۇ- عا مۇشە مەملەكەتتەردىڭ قاۋىپسىزدىك كەڭەستەرى حاتشىلارى كەزدەسۋىنىڭ كۇن تارتىبىندەگى باستى تاقىرىپ - تەرروريزمگە، سەپاراتيزمگە جانە ەكسترەميزمگە قارسى تۇرۋ سالاسىنداعى كوپجاقتى ىنتىماقتاستىق ماسەلەلەرىن تالقىلاۋ.
