21:23, 14 - ءساۋىر 2015 | GMT +5
سپۋتنيگى قاراعاندى وبلىسىنداعى سۋ تاسقىنىن عارىشتان سۋرەتكە ءتۇسىردى - فوتو
استانا. قازاقپارات - وربيتادا تەستىلىك رەجىمدە جۇمىس ىستەپ جاتقان KazEOSat-1 قازاقستاندىق جەردى قاشىقتىقتان زوندتاۋ سپۋتنيگى قاراعاندى وبلىسىنداعى سۋ تاسقىنىن سۋرەتكە ءتۇسىردى.
«قازاقستان عارىش ساپارى» ۇ ك» ا ق ماماندارى عارىشتان تۇسىرىلگەن سۋرەتتەردى وڭدەپ، ولاردى ق ر ءى ءى م ت ج كوميتەتىنىڭ قىزمەتكەرلەرىنە تاپسىردى.
بۇرىن حابارلاعانداي، قازاقستاندا جەردى قاشىقتىقتان زوندتاۋدىڭ تولىققاندى عارىش جۇيەسىن قۇرۋ اياقتالىپ جاتىر. ول «KazEOSat-2» جانە «KazEOSat-1» جەردى قاشىقتىقتان زوندتاۋ سپۋتنيكتەرىنەن، سپۋتنيكتەردى جەردەن باسقارۋ كەشەنىنەن، جەردەن ج ق ز مالىمەتتەرىن قابىلداۋ، وڭدەۋ جانە تاراتۋعا ارنالعان كەشەننەن تۇرادى.
«ج ق ز ءوز جۇيەسىنىڭ بولۋى ەلىمىز ءۇشىن ۇلكەن ستراتەگيالىق ماڭىزعا يە. ماسەلەن، كوكتەمگى سۋ تاسقىنى جايلى بۇل اقپارات ءبىز ءۇشىن وتە باعالى جانە ول بىزگە قاجەت»، - دەپ اتاپ ءوتتى ت ج ك قىزمەتكەرلەرى.
