الماتىدا بويجەتكەندى جۇك سالعىشىنا وتىرعىزىپ سەرۋەندەتكەن كولىك جۇرگىزۋشىسى جازاعا تارتىلادى - كەسكىن
بۇل تۋرالى بۇگىن الماتى قالالىق ءى ءى د باسپا ءسوز قىزمەتىنەن حابارلادى.
ەستەرىڭىزگە سالا كەتەلىك، تاياۋدا عالامتور جەلىسىندە تۇنگى قالادا اۆتوكولىكتىڭ ارتقى جۇك سالعىشىنىڭ ۇستىنە ءبىر بويجەتكەندى وتىرعىزىپ الىپ، زىمىراپ بارا جاتقان ماشينا تۇسكەن بەينەتاسپا پايدا بولعان ەدى. ونى جەلىگە سالعان كۋاگەردىڭ ايتۋىنشا بۇل كورىنىس 11 - ءساۋىر كۇنى ابىلايحان داڭعىلىنىڭ بويىندا ءتۇسىرىلىپتى.
«الماتى قالاسىنىڭ پوليتسياسى بۇل بەينەكورىنىستى مۇقيات زەرتتەدى. سونىڭ ناتيجەسىندە اۆتوكولىكتىڭ جۇرگىزۋشىسى انىقتالدى. 1994 - جىلى تۋعان جۇرگىزۋشى ق ر اكىمشىلىك قۇقىق بۇزۋشىلىق كودەكسىنىڭ 593-بابىنىڭ 1 - تارماعىنىڭ تالاپتارىن (جولاۋشىلاردى الىپ ءجۇرۋ ەرەجەسى) ەلەڭ قىلماي جول ەرەجەسىن ورەكەل بۇزعان» - دەلىنگەن ءى ءى د مالىمدەمەسىندە.
ەندى اۆتوكولىك جۇرگىزۋشىسى اكىمشىلىك جاۋاپكەرشىلىككە تارتىلادى.
