مينيسترلىكتەردىڭ لاۋازىمدى تۇلعالارى مەن ولاردىڭ تۋىستارى مەملەكەتتىك ساتىپ الۋلاردىڭ جەڭىمپازدارىنا اينالعان
وندا 2015 -جىلدىڭ ءبىرىنشى توقسانى جۇمىسىنىڭ قورىتىندىلارى تالقىلانىپ، الداعى مەرزىمگە مىندەتتەر بەلگىلەندى.
القا وتىرىسىندا قايرات قوجامجاروۆ مەملەكەت باسشىسى زاماناۋي، كاسىبي جانە دەربەس مەملەكەتتىك اپپاراتتى قۇرۋدى باستى ينستيتۋتسيونالدى رەفورما رەتىندە جاريالاعانىن باسا اتاپ ءوتتى.
اگەنتتىك ءتوراعاسى بۇل مىندەتتى ءتيىمدى ىسكە اسىرۋ ءۇشىن نورما شىعارماشىلىق، ۇيىمداستىرۋشىلىق جانە اقپاراتتىق جۇمىس جۇرگىزۋ قاجەتتىلىگىنە باسا توقتالدى.
بارىنشا وبەكتيۆتى جانە ءمولدىر بولۋعا ءتيىس كادرلاردى ىرىكتەۋ جانە جوعارىلاتۋ مەحانيزمدەرىن جەتىلدىرۋ ماقساتىندا مەملەكەتتىك قىزمەتتىڭ مودەلىن جانە قىزمەتكەرلەردىڭ ولاردىڭ ناتيجەلەرىنە بايلانىستى ەڭبەگىن تولەۋدى جاڭارتۋعا، سونداي- اق تاعايىنداۋدىڭ پاتروناتتى جۇيەسىن جويۋعا كۇش سالۋ قاجەت.
سىبايلاس جەمقورلىقتىڭ سەبەپتەرى مەن ونى تۋدىراتىن جاعدايلاردى انىقتاۋ مەن ولاردى جويۋدىڭ ءتيىمدى جۇيەسىن قۇرۋعا باعىتتالعان سىبايلاس جەمقورلىققا قارسى ءىس- قيمىل زاڭىنىڭ جوباسى تۇبەگەيلى جاڭالىقپەن ەرەكشەلەنۋى ءتيىس.
قايرات قوجامجاروۆ بۇگىندە مەملەكەتتىك قىزمەتشىلەردىڭ دايىندىعى ساپاسى مەن كاسىبي بىلىكتىلىگىن ارتتىرۋ مامانداردىڭ الەۋەتىن ىسكە اسىرۋدىڭ ماڭىزدى فاكتورلارىنىڭ ءبىرى بولىپ وتىرعانىن ايتتى.
باسىمدىقتى مىندەت تالانتتى مامانداردى انىقتاۋ عانا ەمەس، ولاردى قولداۋ، حالىققا ادال جانە كاسىبي تۇردە قىزمەت ەتۋگە شەشىم قابىلداعانداردىڭ بارلىعىنىڭ الەۋەتىن اشۋعا جاعداي جاساۋ بولىپ تابىلادى.
ءوز سوزىندە اگەنتتىك ءتوراعاسى سىبايلاس جەمقورلىقتىڭ الدىن الۋ مەملەكەتتىك قىزمەتتەردى كورسەتۋدىڭ جوعارى ساپاسىن قامتاماسىز ەتۋسىز مۇمكىن ەمەس ەكەندىگىن باسا ايتتى.
جاڭا وكىلەتتىكتەر شەڭبەرىندە اگەنتتىك باسقا مەملەكەتتىك ورگاندار مەن قوعامدىق ۇيىمدارمەن بىرلەسە وتىرىپ سىبايلاس جەمقورلىق تاۋەكەلدەرىنە تالداۋ جاسايدى.
ولار مەملەكەتتىك قىزمەتتەردى كورسەتۋ، رۇقسات بەرۋ جانە باقىلاۋ فۋنكتسيالارى سالالارىندا انىقتالدى. مۇددەلەردىڭ قايشى كەلۋى، مەملەكەتتىك قىزمەتشىلەردىڭ جاقىن تۋىستارىنا سەنىمدى باسقارۋدى ءفورمالدى تۇردە تاپسىرۋ ارقىلى كوممەرتسيالىق ۇيىمداردىڭ باسقارۋىنا قاتىساتىن جاعدايلار انىقتالدى.
مىسالى، مينيسترلىكتەر مەن ولاردىڭ ۆەدومستۆولارىنىڭ مەملەكەتتىك ساتىپ الۋلاردىڭ جەڭىمپازدارى بولىپ وسى مەكەمەلەردىڭ لاۋازىمدى تۇلعالارى مەن ولاردىڭ تۋىستارىنا تيەسىلى كوممەرتسيالىق ۇيىمدار اتانعان.
جوعارىدا اتالعان جۇمىستىڭ قورىتىندىلارى بويىنشا اگەنتتىكتىڭ ساراپشىلارىمەن سىبايلاس جەمقورلىققا سەبەپ بولاتىن سالدار مەن جاعدايلاردى جويۋ بويىنشا قۇقىقتىق جانە ۇيىمدىق- باسقارۋ سيپاتتاعى ناقتى ۇسىنىمدار جاسالدى.
القالى وتىرىستى قورىتىندىلاي كەلە، قايرات قوجامجاروۆ اگەنتتىكتىڭ الدىندا تۇرعان بارلىق مىندەتتەر تابىستى شەشىلەتىنە سەنىم ءبىلدىردى. وعان بارلىق قاجەتتى رەسۋرستار مەن مۇمكىندىكتەر بار.
