ي. يلين استانادا الەمنىڭ ۇزدىك اۋىر اتلەتتەرىنە ارنالعان ناگرادانى الادى
الەمنىڭ ۇزدىك زىلتەمىرشىلەرىنە بەرىلەتىن يەنو بوسكوۆيچ اتىنداعى ءداستۇرلى جۇلدەنى IWF- نىڭ قازاقستانداعى وكىلدەرى تابىستايدى. داۋىس بەرۋ قورىتىندىلارى بويىنشا جەڭىمپازدار بولىپ وليپيادانىڭ ەكى دۇركىن چەمپيونى يليا يلين مەن رەسەيلىك تاتيانا كاشيرينا اتاندى. بۇل ەكى سپورتشى 2014-جىلعى الەم چەمپيوناتىنىڭ جەڭىمپازدارى بولعان.
«جىلدىڭ ۇزدىك اۋىر اتلەتى» اتاعىنىڭ لاۋرەاتتارىن ماراپتتاۋ ءراسىمى استانادا 24- ساۋىردە وتەدى. راسىمگە قاتىسۋ ءۇشىن حالىقارالىق اۋىر اتلەتيكا فەدەراتسياسىنىڭ (IWF) پرەزيدەنتى توماش ايان مەن IWF ۆيتسە-پرەزيدەنتى نيكۋ ۆلاد، سونداي-اق «World weightlifting» جۋرنالىنىڭ قىزمەتكەرلەرى كەلەدى. اتالعان شارا IWF، ق ر مادەنيەت جانە سپورت مينيسترلىگى جانە سپورتتىق جەكپە-جەكتەر مەن كۇش قولداناتىن تۇرلەرىنىڭ كونفەدەراتسياسىنىڭ قولداۋ كورسەتۋىمەن وتەدى.
اتاپ وتەيىك، تاتيانا كاشيرينا بۇل ناگرادانى قاتارىنان ەكىنشى رەت، يليا يلين بولسا - ءۇشىنشى رەت الادى. بۇعان دەيىن قازاقستاندىق شتانگاشىلاردىڭ اراسىندا بۇل جۇلدەگە ءزۇلفيا چينشانلو لايىق دەپ تانىلعان.
