قازاقستان اسكەرىندەگى ەڭ سۇلۋ ايەل كىم - فوتو
ولاردىڭ جاس شاماسىنا، تاجىريبەسى مەن مەڭگەرگەن كاسىبي سالاسىنا ەش شەكتەۋ قويىلماعان.
بايقاۋدى ۇيىمداستىرۋداعى نەگىزگى ماقسات - ەل اراسىنداعى قاۋىپتى ماماندىقتى مەڭگەرگەن ءارى سول سالادا ادال قىزمەت ەتىپ جۇرگەن نازىك جاندىلاردىڭ ابىرويىن اسقاقتاتا ءتۇسۋ.
ارۋلار بايقاۋ شارتى بويىنشا وزدەرىنىڭ سۋرەتتەرىن سالىپ، قىزمەتى، تاجىريبەسى جايلى ماعلۇمات بەرەدى. ال كەز كەلگەن ازامات «باتىر ارۋ» اتاعىنا لايىقتى دەگەن قىزعا داۋىس بەرە الادى.
قازىردىڭ وزىندە بۇل جارىسقا شەتەل ازاماتتارى دا داۋىس بەرىپ، قىزىعۋشىلىق تانىتىپ جاتىر ەكەن.
بايقاۋ قورىتىندىسى بويىنشا ەڭ كوپ داۋىس جيناعان 12 ارۋ ىرىكتەلىپ الىنادى. ولاردىڭ بارلىعى جەڭىمپاز دەپ تانىلادى. 2016-جىلعى مامانداندىرىلعان كۇنتىزبەگە ارنالعان كاسىبي فوتو سەسسياعا قاتىسادى.
بايقاۋ قورىتىندىسى 10- مامىر كۇنى بەلگىلى بولادى.
