تاتار ازىلدەرى
- سەن جاسسىڭ عوي، ءالى ەشتەمەنىڭ ءجون- جوسىعىن بىلمەيسىڭ، - دەپتى سوندا اجەسى. - ءبىزدىڭ جاس كەزىمىزدەگى اينالاردى ايتساڭشى: الدىنا بارىپ تۇرا قالساڭ، ءوزىڭدى كەرەمەت ادەمى ەتىپ كورسەتەتىن ەدى... وسى كۇنگى اينا ءتۇرىڭدى بۇزىپ، ءوزىڭدى قۇبىجىق ەتىپ كورسەتەدى...
سوڭعى تىلەك
ناۋقاستىڭ كوڭىلىن سۇراپ كەلگەن ءبىر اقىماق ودان: - اۋرۋىڭ نە؟ - دەپ سۇرايدى. - جۇرەكتىڭ سوعۋى جيىلەپ تۇر. - ە، وندا وسيەتىڭدى ايتا بەر، - دەيدى اقىماق. - ويتكەنى، مەنىڭ اكەم دە، اعام دا سول اۋرۋدان قايتىس بولعان. سەن بۇل اۋرۋدان جازىلمايسىڭ. كوپ بوگەلمە، بالالارىڭدى شاقىرىپ ال دا، كوزىڭ تىرىسىندە سوڭعى تىلەگىڭدى ايت. سوندا ناۋقاس بالالارىن شاقىرىپ: - سەندەرگە ايتار سوڭعى تىلەگىم - مىنا اقىماقتى دەرەۋ ۇيدەن قۋىپ شىعىڭدار جانە ەندى بۇنى بۇل ماڭعا جۋىتپاڭدار! - دەگەن ەكەن.
ايەلى قايدا قالادى؟
ءبىر ايەلدىڭ بەسىنشى كۇيەۋى ءولىم حالىندە جاتقاندا ەرىنىڭ باسىندا وتىرىپ: - بۇل وپاسىز دۇنيەنى تاستاپ كەتۋگە اينالدىڭ. سوندا مەنى كىمگە قالدىرىپ كەتەسىڭ؟ - دەپ جىلاپتى. اۋرۋ كۇيەۋى: - شۇرق ەتپە، سەنى التىنشى كۇيەۋگە قالدىرىپ كەتەمىن، - دەپتى.
ارۋاقتاردان ۇيات
ءبىر ءتاۋىپ زيراتتىڭ تۇسىنان باسىنا شاپانىن جامىلىپ، تەز- تەز ءجۇرىپ وتەدى ەكەن. - ونىڭ نە ؟ - دەگەندەرگە: - ولىكتەردىڭ ارۋاعىنان ۇيالامىن، - دەيدى ەكەن. - نەگە ۇيالاسىڭ؟ - بۇلاردىڭ كوپشىلىگى مەن ەمدەگەننەن كەيىن ءولدى عوي...
«ەگەمەن قازاقستان»
