قازاقستان ەستراداسىنىڭ جۇلدىزدارى ارميادا ءبىر كۇنىن وتكىزدى - فوتو
قازاقستانعا تانىمال «اراي» توبى «اسكەردەگى ءبىر كۇن» اكسياسىنا قاتىستى. سالتاناتتى كوستيۋمدى اسكەري كيىم ۇلگىسىنە، ال ميكروفوندى قارۋعا ايىرباستاعان «اراي» توبى وتان الدىنداعى بورىشىن وتەپ جۇرگەندەر الدىندا وزدەرىن بارىنشا لايىقتى ۇستاۋعا تىرىستى.
اكسيانىڭ ماقساتىنا سايكەس تانىمال توپ اسكەري قىزمەتشى رەتىندە ءبىر كۇنىن وتكىزدى، سونداي-اق انشىلەر اسكەري قىزمەتشىنىڭ ادەتتەگى كۇنى قالاي وتەتىنىمەن، قانداي مىندەتتەر اتقاراتىنىمەن، اسكەري قىزمەتتىڭ قيىنشىلىقتارىمەن، ەڭ باستىسى ونىڭ ارتىقشىلىعىمەن تانىسادى.
«اراي» توبىنىڭ سوليستەرى قازاقستاندى قورعاپ جۇرگەن جاۋىنگەرلەردىڭ ءبىر كۇنىمەن تانىسىپ، وسى ورايدا ولار اسكەري قىزمەتشىلەرمەن بىرگە ادەتتەگىدەن ەرتە تۇرىپ تاڭعى جاتتىعۋلار جاساپ، جۇگىرۋگە شىقتى.
بۇدان باسقا، انشىلەر اسكەري قىزمەتشىلەرمەن بىرگە جاۋىنگەرلىك مىندەتتەر اتقارىپ، ساپتىق دايارلىقتان ءوتتى، وزدەرىنە ەڭ كۇردەلى بولعان تاپسىرمانى ورىنداپ - 100 مەتر قاشىقتىققا قارۋدان وق اتتى.
اكسيانىڭ قورىتىندىسى بويىنشا ارتىستەر قاتال اسكەري تارتىپكە باعىنعانى ءۇشىن كوپتەگەن جاس جىگىتتەر ارماندايتىن ديپلومدارمەن ناگرادتالدى. انشىلەر ارميانىڭ ءبىر كۇنگى ومىرىنە ارالاسىپ، ونى وزدەرىنىڭ ەر مىنەزدەرىن كورسەتە الاتىن ورتادا وتكىزۋگە بەرىلگەن مۇمكىندىك ءۇشىن العىستارىن ءبىلدىردى.
