بوكسشى ارۋلارىمىز شىمكەنت شارشى الاڭىنىڭ شىرايىن اشتى

استانا. قازاقپارات - كەشە شىمكەنتتە بوكستان ايەلدەر اراسىنداعى قازاقستان چەمپيوناتى باستالدى.

ەل بىرىنشىلىگىنە 82 بۇرىمدى بوكسشىمىز تىركەلىپتى، دەپ جازادى «الاش ايناسى».

قازاقستان بوكس فەدەراتسياسىنىڭ باسپا ءسوز قىزمەتى تاراتقان اقپاراتقا سۇيەنسەك، ەل بىرىنشىلىگىنە قاتىسۋشىلار ىشىندە ەڭ كوبى الماتى قالاسى مەن قاراعاندى، وڭتۇستىك قازاقستان، جامبىل وبلىستارىنىڭ وكىلدەرى ەكەن.

بۇل ايماقتار توعىز بوكسشى- قىزدان اكەلىپ قوسقان.

استانادان - سەگىز، الماتى وبلىسىنان - جەتى، قوستاناي جانە ماڭعىستاۋ وبلىستارىنان - بەس، اقمولا وبلىسىنان - ءتورت، اقتوبە، اتىراۋ، پاۆلودار جانە شىعىس قازاقستان وبلىستارىنان - ءۇش، قىزىلوردا مەن سولتۇستىك قازاقستان وبلىستارىنان - ەكى، باتىس قازاقستان وبلىسىنان - ءبىر بوكسشىدان تىركەلگەن.

ەل چەمپيوناتىندا باق سىناۋشى ارۋلار اراسىندا دۇنيەجۇزىنە تانىمال بوكسشى قىزدارىمىز دا بار. بۇل رەتتە 2014 -جىلعى الەم چەمپيونى نازىم قىزايبايدى، بىلتىرعى الەم چەمپيوناتىنىڭ كۇمىس جۇلدەگەرى ءلاززات كۇنگەيبايەۆانى، ازيا چەمپيونى جاينا شەكەربەكوۆانى ايرىقشا اتاپ وتۋگە بولادى.

كەشە ەل چەمپيوناتىنىڭ ءبىرىنشى كۇنگى جەكپە- جەكتەرى ءوتتى. 48 كەلى سالماق دارەجەسىندە ايگەرىم اسقاروۆا (جامبىل وبلىسى) جانە الۋا بالقىبەكوۆا (قاراعاندى وبلىسى) العاشقى جەڭىستەرىنە قول جەتكىزدى.

54 كەلىدە اياۋلىم بورانبايەۆا (استانا) مەن ايگەرىم دىلدابەكوۆا (قاراعاندى وبلىسى) ەل بىرىنشىلىگىن جەڭىسپەن باستادى.

69 كەلىدە زاۋرە قۇسايىنوۆا (پاۆلودار وبلىسى)، ءامينا امانقۇل (و ق و) جانە گاۋحار ەرمەكباي (الماتى وبلىسى) سىندى ارۋلارىمىز جەڭىسكە جەتتى.

ەل چەمپيوناتىنىڭ جارتىلاي فينالدىق جەكپە- جەكتەرى 17 -ءساۋىر كۇنى، ال فينالدىق ايقاستارى 18 -ساۋىردە وتەدى.

Alashainasy.kz