ازاماتتىق العان قانداستار اكىمشىلىك الدىنا كەلىپ كومەك سۇرادى
وسىلاي دەگەن ءبىر توپ ازامات بۇگىن وڭتۇستىك قازاقستان وبلىستىق اكىمدىك پەن ءماسليحات عيماراتىنىڭ الدىنا جينالدى.
ايتۋلارىنشا، ولار ورالماندارعا بەرىلتىن جاتاقحانادان شىعارىلىپتى. شاعىمدانۋشىلارمەن جەرگىلىكتى بيلىك وكىلدەرى دە كەزدەسىپ، ءمان- جايدى تۇسىندىرۋگە تىرىستى. بارماعان جەرى، قاقپاعان ەسىگى قالماعان جاڭاتاي جۇماقوۆا قينالعاننان وسىلاي كوز جاسىنا ەرىك بەردى.
اسىراۋشىسىنان ايرىلىپ، 4 بىردەي بالا اسىراعان انا «اتامەكەنگە كەلىپ، پانا تاپپاي ءجۇرمىن»، - دەپ ناليدى. كەزىندە كۆوتاعا ىلىكتىڭىز دەپ قولىنا حات العان ايەل قازىر جەر سيپاپ قالعانىن ايتتى.
جاناتاي جۇماقوۆا:
- اكىمنىڭ ءبارىن تەرىپ تاستادىق. اكىمنىڭ بارىنە كىرىپ شىقتىق. ەشكىم بىزگە قول ۇشىن بەرەتىن ەشكىم جوق.
بۇل ءبىر توپ ايەل تاڭعى سەگىزدەن بەرى وسىندا تابانىن توزدىرىپ ءجۇر. «وبلىس اكىمىنىڭ قابىلداۋىنا جازىلىپ قويعانىمىزبەن تۇسكە دەيىن توبە كورە المادىق»، - دەيدى. شاعىمدانۋشىلاردىڭ دەنى وسىدان 4 جىل بۇرىن وزبەكستاننان قازاقستانعا ورالعاندار.
اجار تۇرسىنبايەۆا، ورالمان:
- كومەك سۇراپ كەلگەنىمىزگە 3-4 جىلعا اينالىپ جاتىر. بولادى، كۇتە تۇرىڭىزدار دەيدى. اناۋسى انانى، مىناۋسى مىنانى ايتادى. سونىمەن مىنە 4- جىل كەتىپ جاتىر بىزگە.
قۇرىلىسقا جەگىلىپ كۇنىنە مىڭ تەڭگەدەن ارتىق تابىس تاپپايتىن ايەلدەر جالدامالى پاتەردە تۇراتىندارىن ايتتى.
سىرتتا داۋ كوتەرگەن جۇرتتى اقىرىندا عيمارات ىشىنە كىرگىزدى. ءبىراق، وبلىس اكىمىنىڭ قابىلداۋىنا كىرە المادى. اۋەلى پروكۋرورلارمەن، سودان سوڭ باسقارما باسشىلارىمەن تىلدەسىپ قايتتى.
تۇرار قۇدايبەرگەنوۆ، و ق و جۇمىسپەن قامتۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى:
- كۆوتا جوق، بۇرىنعىداي تەگىن پاتەر، قاراجات بەرۋ باسقا-باسقا سياقتىلار توقتاتىلىپ وتىر.
ماقسات جاقسىباي ۇلى، ءتىلشى:
- ءسويتىپ وبلىستىق ءماسليحاتقا ماسەلەسىن جەتكىزە كەلگەن جۇرتتىڭ جانايقايى تاعى دا جابۋلى كۇيدە قالاتىن ءتۇرى بار. قۇزىرلىلار بۇل جولى دا قولدان كەلەتىن كومەك جوق دەپ قىسقا قايىردى. ويتكەنى، ورالماندار ءۇشىن قارالعان ءتيىستى جەڭىلدىكتەر قازىرگى زاڭدا تولىعىمەن الىنىپ تاستالعان دەيدى بيلىك وكىلدەرى.
ماقسات جاقسىباي ۇلى
شىمكەنت
tv7.kz
