قايرات نۇرتاس اناسىنا نە سىيلادى؟
گۇلزيرا ايداربەكوۆا قايراتتىڭ اناسى عانا ەمەس، پروديۋسەرى، ءوزىنىڭ «KN» جەكە مەنشىك كيىم برەندى ءوندىرىسىنىڭ ديرەكتورى. گۇلزيرا ايداربەكوۆا ءوزىنىڭ جولداسىمەن ۇلدارىنىڭ جوباسىنا قاتىستى بارلىق ىستەرگە ۇلگەرۋ ءۇشىن الماتى، استانا، بەيجىڭنىڭ ورتاسىندا شاپقىلاپ جۇرەدى. كۇنى كەشە قايراتتىڭ اناسى گۇلزيرا ايداربەكوۆا ءوزىنىڭ تۋعان كۇنىن اتاپ ءوتتى. الەمنىڭ جارىعىن سىيلاعان اناسىنا قايرات ەستەن كەتپەس ۇلكەن مەرەكە سىيلادى.
اناسىنىڭ تۋعان كۇنىنە وراي قايرات نۇرتاس Royal Tulip قوناقۇيىندە ۇلكەن مەيرام ۇيىمداستىردى. اتالعان مەرەكەگە ايداربەكوۆتەردىڭ تۋعان- تۋىس، دوس- جاراندارىنان بولەك قازاق ەستراداسىنداعى تانىمال جۇلدىزدار دا كەلدى.
قايراتتىڭ اناسىنا دەگەن ەرەكشە سۇيىسپەنشىلىگى سىرتكوزگە كورىنىپ تۇرادى. گۇلزيرا حانىم دا قاشاندا بالاسىنىڭ قاسىنان تابىلادى، بارلىق گاسترولتدىك ساپارلاردا بىرگە جۇرەدى، كونتسەرتتەرىن ۇيىمداستىرۋعا كومەكتەسەدى.
بالاسى ۇيىمداستىرعان ادەمى كەشتە گۇلزيرا ۇسەن قىزى وزىنە ارنالعان ءتاتتى تورتتىڭ ۇستىندەگى بالاۋىز شامداردى ۇرلەپ، ەرەكشە كوڭىل- كۇيگە بولەندى.
گۇلزيرا ۇسەن قىزى مەن نۇرتاس ايداربەكوۆ ءۇش ۇل تاربيەلەپ وتىر. قايرات ولاردىڭ تۇڭعىشى. قايرات پەن ونىڭ ىنىلەرىنىڭ ءتيىستى ءبىلىم الۋىنا، ونەردە ۇلكەن بەلەستەرگە جەتۋىنە اتا- اناسى ۇلكەن كۇش سالدى.
«مەن بالاما جاقىن بولۋ ءۇشىن دە، وعان قاشاندا ءوزىمنىڭ قولداۋىمدى ءبىلدىرۋ ءۇشىن دە پروديۋسەر بولۋعا بەل بايلادىم. مەن ءارقاشاندا جاقسى انا بولۋعا، بالالارىما جاقسى تاربيە بەرۋگە تىرىستىم. مەن ءوز بالالارىممەن ماقتانامىن» ، دەيدى گۇلزيرا ۇسەن قىزى.
اۆتور: اينۇر نۇرسابەت
«الاش ايناسى»
