ءتىلدىڭ ءتۇسى ارقىلى اۋرۋ ءتۇرىن انىقتاۋعا بولادى
ماسەلەن، تەرىنىڭ، كوزدىڭ، تىرناقتىڭ، ءتىلدىڭ ءتۇسىنىڭ وزگەرۋىنەن ادامدار ءبىرقاتار اۋرۋ تۇرلەرىن اجىراتا بىلگەن. اسىرەسە، ءتىل ءتۇسىنىڭ وزگەرۋى ءسىزدىڭ دەنساۋلىعىڭىزدان كوپ سىر شەرتەدى. قالاي دەيسىز عوي؟ ايتايىق...
اينانىڭ الدىنا تۇرىپ، ءتىلىڭىزدى شىعارىپ كورىڭىز دە جاقسىلاپ قاراڭىز، جۇمىر ما الدە بۇدىرلى ما؟ تۇسىنە دە ءمان بەرىڭىز، قىزعىلت پا، قىزىل ما الدە اق پا؟ بالكىم، ءتىلىڭىز جارىلىپ كەتكەن شىعار.
ادەتتە، ساۋ ادامنىڭ ءتىلى قىزعىلت ءتۇستى، بەتى ءبۇدىرلى بولىپ كەلەدى. ال، ەگەر ءتىلدىڭ بەتىندە اق نەمەسە سارى قابات بولسا، سونداي-اق، جارىلىپ كەتكەن بولسا وندا سىزگە دەرەۋ دارىگەرگە كورىنۋ كەرەك. ويتكەنى، بۇل اعزاداعى В12 دارۋمەنىنىڭ، تەمىردىڭ، فولي قىشقىلىنىڭ جەتىسپەۋشىلىگىنىڭ بەلگىسى نەمەسە قاننىڭ ازدىعى. ال، تىلدە جارا بولسا، وندا دەنساۋلىقتا كرون نەمەسە كوليت (توقىشەكتىڭ قابىنىپ اۋىرۋى) اۋرۋى بار دەگەن ءسوز.
ءتىلدىڭ سىرتقى كورىنىسىنەن اعزاداعى سۇيىقتىقتىڭ ازايىپ كەتكەنىن دە انىقتاۋعا بولادى. قىسقاسى، ءتىسىڭىزدى جۋعان كەزدە شەتكامەن ءتىلىڭىزدى دە تازالاۋدى ۇمىتپاڭىز. بۇل بىرىنشىدەن، دەنساۋلىعىڭىزعا پايدالى، ەكىنشىدەن، اۋىزدان جاعىمسىز ءيىس شىعارمايدى.
baq.kz
