09:35, 14 - ءساۋىر 2015 | GMT +5
بەس جىلدان كەيىن الەمدە سۋدا قالقىپ جۇرەتىن قالا پايدا بولادى
استانا. قازاقپارات - سان-فرانتسيسكودا ورنالاسقان امەريكانىڭ تەڭىزگە قونىستانۋ ينستيتۋتى 2020-جىلى پايدا بولاتىن الەمدەگى العاشقى سۋدا سالىناتىن قالا قۇرىلىسىن ىسكە اسىرۋ ءۇشىن ەڭ وڭتايلى جوبا بايقاۋىن جاريالادى.
ينستيتۋت قىزمەتكەرلەرى نيدەرلاندتىق ديەۆەلوپەرلىك فيرمامەن بىرلەسىپ سۋدا ساۋلەت قۇرىلىسىن سالۋ حالىق تىعىزدىعى ماسەلەسىن شەشەدى دەگەن پىكىرگە كەلدى.
بايقاۋ ۇيىمداستىرۋشىلارىنىڭ باستى شارتتارى: داۋىلدارعا توتەپ بەرەتىن تىك بۇرىشتى نىسان پلاتفورماسىنداعى قۇرىلىستاردى ورنالاستىرۋ بولىپ تابىلادى، ءار جاعىنىڭ ەنى كەمىندە 50 مەتر بولىپ، ۇيلەر ءۇش قاباتتان اسپاۋى ءتيىس. ال قالا ازيمۋت بويىنشا باعداردى ەش كەدەرگىسىز وزگەرتۋگە بولاتىنداي ەتىپ سالىنۋى ءتيىس.
ءادىلقازىلار ماقۇلداعان جوبا وسى جىلى شىلدەنىڭ اياعىندا كورسەتىلمەك، دەپ حابارلادى Svopi پورتالى. الەۋەتتى قاتىسۋشىلاردان العاشقى ەسكيزدەر ءتۇسىپ جاتقانى حابارلانادى.
