09:11, 14 - ءساۋىر 2015 | GMT +5
جاقىندا «ميلان» فۋتبول كلۋبىن قىتايلار ساتىپ الا ما؟
استانا. قازاقپارات - وسىنداي ساۋال يتاليان-قىتاي ساۋدا پالاتاسىنىڭ ۆيتسە- پرەزيدەنتىنىڭ اڭگىمەسىنەن سوڭ پايدا بولدى.
فۋ يسياننىڭ حابارلاۋىنشا، قازىر سيلۆيو بەرلۋسكونيدىڭ كلۋبىن ساتىپ الۋعا باستى ۇمىتكەرلەر مىنالار: Wahaha سۋسىن كومپانياسى، Wanda ءىرى قىتايلىق دامىتۋ كومپانياسى، Huawei جانە Alibaba ەلەكتروندى ساۋدا الىبى.
سيلۆيو بەرلۋسكوني «ميلاندى» 1 ميلليارد ەۋروعا باعالاۋدا. جالپى قىتايلىقتار ونى جابىلىپ اقشا جيناپ ساتىپ الماق ويدا ەكەن. بۇل ءۇشىن جارتى ميلليون فۋتبول جانكۇيەرى قاراجات جيناستىرسا جەتىپ جاتىر.
ءسويتىپ، يتاليانداردىڭ قاۋمالاسقاندا دا قاۋقارى جەتپەيتىن ساۋدانى قىتايلىقتار جاساۋى مۇمكىن، دەپ حابارلايدى newsru.com.
دايىنداعان: گ. ابيلوۆا
www.24.kz
