قازاقستاندىق بالۋاندار ازەربايجاننىڭ كۇرەس فەدەراتسياسى كۋبوگىندا باق سىنايدى

استانا. قازاقپارات - 16-19- ءساۋىر ارالىعىندا باكۋدەگى گەيدار اليەۆ اتىنداعى سپورتتىق-كونسەرتتىك كەشەندە ەركىن جانە گرەك-ريم كۇرەسى بويىنشا جاسوسپىرىمدەر مەن جاستار اراسىندا ازەربايجاننىڭ كۇرەس فەدەراتسياسى كۋبوگى وتەدى.

باكۋدە ماۋسىم ايىندا وتەتىن ءبىرىنشى ەۋروپا ويىندارىنداعى كۇرەس جارىستارىنا قاتىسۋ سىناعى سيپاتىنداعى تۋرنيرگە ازەربايجاننىڭ باسقا، قازاقستان، ۋكراينا، يران، وزبەكستان، گرۋزيا، سلوۆاكيا، تۇرىكمەنستان، ۆەنگريا، قىرعىزستان، رەسەي، بەلارۋس جانە تۇركيا ەلدەرىنىڭ بالۋاندارى قاتىسادى، دەپ حابارلايدى azerisport.com.

دودا باعدارلاماسىنا سايكەس گرەك-ريم ستيلىندەگى جاسوسپىرىمدەر بوز كىلەمگە 16- ساۋىردە، ەركىن كۇرەس بويىنشا 18- ساۋىردە، ال جاستار گرەك-ريم ستيلىنەن 17- ساۋىردە، ەركىن كۇرەستەن 19- ساۋىردە باق تالاستىراتىن بولادى.

جارىس جەڭىمپازدارى مەن جۇلدەگەرلەرى فەدەراتسيانىڭ مەدالدارىمەن، ديپلومدارىمەن جانە اقشالاي سىيلىقتارىمەن ماراپاتتالادى.