08:07, 14 - ءساۋىر 2015 | GMT +5
قازاقستان بەلارۋسپەن قارجى-بانك سالاسىندا يننوۆاتسيالاردى قولدانۋ تاجىريبەسىن بولىسەدى
استانا. قازاقپارات - 24- ءساۋىر كۇنى مينسكىدە «ساندىق بانكينگ: تەحنولوگيالار مەن يننوۆاتسيالار» اتتى حالىقارالىق فورۋم وتەدى.

فورۋمعا بەلارۋستىڭ ۇلتتىق بانكى مەن رەسەيدىڭ ورتالىق بانكىنىڭ وكىلدەرى، ءتۇرلى ەلدەردىڭ ساراپشىلارى جينالىپ، بەلارۋستەگى ساندىق بانكينگتىڭ دامۋ بولاشاعىن تالقىلايدى. مۇندا سونداي-اق قازاقستاننىڭ، ۋكراينا مەن لاتۆيانىڭ قارجى-بانك سالاسىنداعى يننوۆاتسيالىق ونىمدەرى مەن ساندىق تەحنولوگيالارىن ازىرلەۋ جانە ەندىرۋ تاجىريبەسى كوپشىلىك نازارىنا ۇسىنىلادى، دەپ حابارلايدى بەلتا.
ايتا كەتەيىك، بەلارۋستە ساندىق بانكينگ زاڭناماسىن رەفورمالاۋ قولعا الىنباق. ونىڭ ماقساتى - حالىقتىڭ جانە شارۋاشىلىق سۋبەكتىلەرىنىڭ بانكتىك جانە باسقا دا قارجىلاندىرۋلارداعى شىعىندارىن بارىنشا ازايتۋ.