تالدىقورعاندا ەلىمىزدەگى ەڭ بەدەلدى ۋنيۆەرسيتەتتەردىڭ رەكتورلارى اعاش ەكتى

استانا. قازاقپارات - تالدىقورعانداعى «جاستار» ساياباعىندا «ءبىلىم اللەياسى» پايدا بولىپ، وعان ەلىمىزدەگى ەڭ بەدەلدى ۋنيۆەرسيتەتتەردىڭ رەكتورلارى اعاش ەكتى، دەپ حابارلادى zhetysu.gov.kz.

سونىمەن قاتار، جوعارى وقۋ ورىندارىنا بولىنگەن اكىم گرانتىنىڭ بولاشاق يەگەرلەرى - 90 وقۋشىنىڭ دا وتىرعىزعان كوشەتتەرى «ءبىلىم اللەياسىنىڭ» قاتارىن تولىقتىردى.

بۇل كۇنى «جاستار» ساياباعىنا جالپى سانى 100 تال ەگىلدى.

ەستەرىڭىزگە سالساق، تالدىقورعاندا الماتى وبلىسىنىڭ اكىمى اماندىق باتالوۆتىڭ رەكتورلار كورپۋسىمەن كەزدەسۋى بارىسىندا ەكى جاقتى مەموراندۋمدارعا قول قويىلىپ، بولاشاق گرانت يەگەرلەرىنە سەرتيفيكاتتار تابىس ەتىلگەن بولاتىن.