00:03, 14 - ءساۋىر 2015 | GMT +5
تۇركىمەنستان «جۇزدەن جۇيرىك، مىڭنان تۇلپارىن» تاڭداپ جاتىر
استانا. قازاقپارات - اشحاباد جىلقى سپورتى كەشەنىندە ۇزدىك احالتەكە سايگۇلىگى بايقاۋىنىڭ ىرىكتەۋ كەزەڭى ءوتتى.
وعان تۇركىمەنستانداعى بۇل تۇقىمدى جىلقىلاردىڭ ەڭ تاڭداۋلىلارى قاتىستى.
بايقاۋدى «تۇركىمەن اتلارى» مەملەكەتتىك بىرلەستىگى ۇيىمداستىرىپ جاتىر.
العاشقى ىرىكتەۋ كەزەڭى اياسىندا 50 دەن استام احالتەكە سايگۇلىكتەرى قارالدى. قازىلار القاسى ەڭ ۇزدىك 20 سايگۇلىكتى تاڭدادى. كەلەسى كەزەڭدە ولاردىڭ الدىندا ۇلكەن سىن تۇر.
بايقاۋدىڭ سوڭعى كەزەڭى ءساۋىر ايىنىڭ سوڭعى جەكسەنبىسىندە، تۇركىمەنستاندا تۇركىمەن سايگۇلىگى مەرەكەسى تويلانعان كەزدە وتەدى.
