20:00, 13 - ءساۋىر 2015 | GMT +5
الماتىدا كوكتوبەنىڭ بوكتەرىندە شىققان ءورت ءسوندىرىلدى
استانا. قازاقپارات - الماتىدا كوكتوبەنىڭ بوكتەرىندە شىققان ءورت ءسوندىرىلدى، - دەپ حابارلايدى Tengrinews.kz ءتىلشىسى ت ج د باسپا ءسوز حاتشىسى نۇربەك قوجاحمەتكە سىلتەمە جاساپ.
«4 گەكتار اۋماقتاعى قۇرعاق ءشوپ ورتەندى. تۇرعىن ءۇي ماسسيۆىنە قاۋىپ تونگەن جوق. ءورتتىڭ بەتى 14.11 دە قايتارىلدى، ءسويتىپ 15.12 دە تولىق ءسوندىرىلدى. زارداپ شەككەندەر مەن قايتىس بولعاندار جوق. ءورتتىڭ شىعۋ سەبەبى انىقتالىپ جاتىر»، - دەپ حابارلادى ت ج د وكىلدەرى.
ءورتتى سوندىرۋگە جەكە قۇرامنىڭ 45 ادامى جانە 10 دانا تەحنيكا جۇمىلدىرىلدى. وسىعان دەيىن الماتىداعى ءورت جايلى مالىمەتتىڭ ت ج د ديسپەتچەر پۋلتىنە 12.21 دە تۇسكەنى حابارلانعان بولاتىن.
ايتا كەتەيىك، وسىعان دەيىن موحناتكا تاۋىندا مەدەۋ شاتقالىندا ءورت شىققان بولاتىن. بۇل وقيعا 2012 -جىلدىڭ 22 -تامىزىندا بولدى. 21 گەكتار جەر ورتەنىپ كەتتى. ءورتتىڭ بەتى 24 تامىزدا 12.45 تە قايتارىلدى.
