16:54, 13 - ءساۋىر 2015 | GMT +5
ازەربايجاندىق وليمپيادا چەمپيونى قازاقستان ازاماتتىعىن الدى
استانا. قازاقپارات - 2010 -جىلى سينگاپۋردە وتكەن جاسوسپىرىمدەر اراسىنداعى وليمپيادا چەمپيونى ازەربايجاندىق نيجات راگيموۆ قازاقستان ازاماتتىعىن العان.
ول 69 كەلىدە سىنعا تۇسەدى.
ول قازىر ۇلتتىق قۇرامامەن بىرگە تۇركيادا وقۋ جاتتىعۋ جيىنىندا ءجۇر. تۇركياداعى وقۋ-جاتتىعۋ جيىنىندا سپورتشىلاردى ەنۆەر تۇركەلەري جاتتىقتىرىپ جاتىر.
راگيموۆ 2012 -جىلى جاستار اراسىنداعى ەۆروپا چەمپيوناتىندا التىن العان. 2013 -جىلى دوپينگ داۋىنا ىلىگىپ، ەكى جىل سپورتتان شەتتەتىلگەن ەدى. ونىڭ ەكى جىلدىق مەرزىمى بيىل جازدا اياقتالادى.
ول الداعى ۋاقىتتا قازاقستانداعى ىرىكتەۋ جارىستارىنا قاتىسىپ، ازيا جانە جاستار اراسىنداعى الەم چەمپيوناتىنا جولداما الۋعا تىرىسادى.
alaman.kz
