سۇلتان ۇلىنىڭ سالتاناتتى تويى شەكتەن شىقتى - فوتو
برۋنەي سۇلتانىنىڭ 31 گە كەلىپ وتاۋ كوتەرگەن كەنجە ۇلى ءابدۋل ماليكتىڭ ۇيلەنۋ تەك ەرتەگىلەردە ورىن العان بولار. 22 جاسار دايانگكۋ راابياتۋل اداۆيا پەنگيريان حادجي بولكيامەن نەكە قيعان برۋنەيدىڭ تاق مۇراگەرىنىڭ تويى جۇزگە جۋىق تۋعان- تۋىسقاندارى مەن شەتەلدىك ەلشى، مەملەكەتتىك تۇلعالار اياسىندا عانا وتكىزىلگەنىمەن، ب ا ق وكىلدەرىنىڭ وتكىر كامەراسىنان تاسا قالماپتى.
ۇيلەنۋ تويىنىڭ جالعاسىپ جاتقانىنا ءبىر اپتادان استام ۋاقىت وتكەن. جاس جۇبايلار العاش ەل الدىنا مالاي ستيلىندە جاسالعان التىن اشەكەيلەرىمەن كورىنگەن ەدى. الايدا، جۇرت نازارى قالىڭدىق بويىنداعى كولەمى قۇس جۇمىرتقاسى بولاتىنداي اسىل تاستاردان قۇرالعان اشەكەيگە اۋعان ەدى. ال، ەلدىڭ اتاقتى ءسانقويلارى ولاردىڭ Swarovski كريستالدارىمەن بەزەندىرىلگەن كريستيانا لۋبۋتەن تۋفليىمەن شىققاندارىن ايتىپ، اۋىزدارىنىڭ سۋى قۇرۋدا.
ايتا كەتەيىك، تاق مۇراگەرىنىڭ جۇبايى بۇعان دەيىن جۇيەلىك ساراپشى بولىپ قىزمەت اتقارعان. بىرنەشە ديپلومى بار.
«توي - ءتاڭىردىڭ قازىناسى» دەپ، توي تويلاۋعا، قۋانىشتى بولىسۋگە دايىن تۇراتىن حالىق بولعانىمىزبەن، ىسىراپ پەن ۇنەمدى ۇمىتپايىق!
