استانانىڭ ەڭ تارتىمدى اۆتوكولىكتەرى «فورساجعا» قاتىستى - فوتو - كەسكىن
اۆتوشوۋدى اۆتوموبيل جانە موتوسيكل سپورتى فەدەراتسياسى ۇيىمداستىردى.
باسپا ءسوز قىزمەتىنىڭ مالىمەتىنشە، شارا «قازاقستان» سپورت كەشەنىنەن «سارىارقا» ساۋدا ۇيىنە دەيىنگى كولىكتەر شەرۋىنەن باستالدى. ساۋدا ءۇيىنىڭ تۇراعىندا تەمىر تۇلپارلار كورمەسى اشىلدى.
مۇندا ەلوردامىزداعى ەڭ تارتىمدى 40 كولىك قويىلدى، ال وسى ۋاقىتتا 10 كولىكتىڭ يەسى ەكسترەمالدى جۇرگىزۋ شەبەرلىكتەرىن كورسەتتى.
«بارلىق قاتىسۋشىلار گراموتالارمەن ماراپاتتالدى. اتالمىش شارا ەلوردادا وسىمەن ءتورتىنشى رەت ۇيىمداستىرىلدى. اۆتوموبيل جانە موتوسيكل سپورتى فەدەراتسياسىنىڭ شەرۋى ءۇش اكسيانىڭ اياسىندا وتكىزىلدى.
اتاپ ايتقاندا، «استانا - ەسىرتكىسىز قالا» (استانا قالاسى ءى ءى د ەسىرتكى بيزنەسىنە قارسى كۇرەس باسقارماسىنىڭ قولداۋىمەن) اكسياسى، «بالالار ءۇيىنىڭ بۇلدىرشىندەرىنە كومەكتەسەيىك!» (استانا قالاسى اكىمدىگىنىڭ «بالالار ءۇيى» م ك ك) قايىرىمدىلىق شاراسى جانە «ءبىز جولداردا قاۋىپسىز قوزعالىستى قولدايمىز» (استانا قالاسى ج پ ب قولداۋىمەن) اكسياسى»، - دەلىنگەن حابارلامادا.
فەدەراتسيا حاتشىسى رۋسلان باسايەۆتىڭ ايتۋىنشا، شەرۋدىڭ باستى ماقساتى - جاستاردى سپورتقا باۋلۋ، قاۋىپسىز جول قوزعالىسىن ناسيحاتتاۋ. بۇگىنگى تاڭدا فەدەراتسيا تاعى دا وسى سياقتى 9 شارانى وتكىزۋدى كوزدەپ وتىر.
