امەريكالىق ءارتىس قازاق تاعامدارىنا ءتانتى بولدى
بۇل تۋرالى Arizona Daily Star حابارلادى. ايتا كەتەتىن جايت، باعدارلامانىڭ 8- ماۋسىمدا بولاتىن تۇساۋكەسەرى دۇيسەنبى كۇنى، 13- ساۋىردە كورسەتىلەدى، ول قازاقستانعا ارنالادى. وندا شوۋمەن ءبىزدىڭ ەلىمىزگە ساپارى بارىسى جايلى ءسوز قوزعاي وتىرىپ، قازاقتىڭ تاعامدارى تۋرالى سىر شەرتەدى.
باعدارلاما انونسىندا اتاپ كورسەتىلگەندەي، زيممەرن قويدىڭ ميىن، جىلقىنىڭ ەتىن قالاي جەگەنىن، شۇبات پەن قىمىزدى قايتىپ ىشكەنىن كورسەتەدى. ءوزىنىڭ سوزىندە تەلەجۇرگىزۋشى قازاقستاندا جانۋاردىڭ ىشەگىنە ەت سالىناتىنىنا قاتتى تاڭعالعانىن دا جاسىرمادى. مۇنىڭ «قازى» دەپ اتالاتىنىن دا ايتتى.
«مەن قازاقستاندا تاڭعاجايىپ تاعامداردى جەپ كوردىم. ولار جىلقىنى سويىپ، ونىڭ ىشەگىنە ەت سالادى. ءبىز تاۋدا بولدىق، اتقا مىندىك. ءوز قولىمدا بۇركىتتى ۇستادىم، بۇل ءبىر الىپ قۇس ەكەن. ونى قويانعا سالىپ ەدىك، تاپ باستىرماي ۇستاپ الدى. كەرەمەت شەبەرلىك قوي بۇل. ءبىز وزەننىڭ جاعالاۋىندا قويان ەتىن ءپىسىرىپ جەدىك. اۋەلى مەن ونىڭ تەرىسىن سىپىردىم، سودان كەيىن اشىق وتقا قاقتادىم. دۇرىس ىستەدىم بە، بىلمەيمىن، ءبىراق قولىمنان كەلگەنىن جاسادىم»، - دەدى تانىمال شوۋمەن.
سونىمەن قاتار، ول قازاقتىڭ ۇلتتىق تاعامى - اسىلعان ەت تۋرالى پىكىرىن ايتتى. شەتەلدەن كەلگەن قوناق بۇل استىڭ قالاي دايىندالاتىنىن داپتەرىنە جازىپ العان سياقتى. «بۇل تاعام جىلقىنىڭ ەتى مەن قامىردان جاسالادى. قازاقتار وعان دا پياز قوسادى. ماعان اتالمىش تاعام ۇنادى، مەن ونى ۇناتىپ قالدىم»، - دەدى ەندريۋ زيممەرن.
ءبىر ايتا كەتەتىن جايت، تاعامدارعا ارنالعان Bizarre Foods جوباسى الەمنىڭ ءار تۇكپىرىندە تۇراتىن حالىقتاردىڭ ەكزوتيكالىق اس مازىرىمەن تانىستىرۋعا باعىت ۇستايدى. تاعى ءبىر ايتا كەتەتىن نارسە، بۇل ەندريۋ زيممەرننىڭ ءبىرىنشى رەت قازاق تاعامدارىنا الەم جۇرتى نازارىن اۋدارۋى ەمەس.
ول 2011-جىلعى مامىردىڭ 31- كۇنى ا ق ش- تىڭ Travel Channel تەلەارناسىنداعى «ەكزوتيكالىق تاعامدار» دەگەن باعدارلاما بويىنشا قازاقتىڭ ءداستۇرلى اس ءمازىرىن كورسەتكەن ەدى. وسىدان كەيىن ونىڭ جۇرگىزۋشىسى قازاقستاننىڭ ا ق ش- تاعى ەلشىسى ەرلان ىدىرىسوۆپەن جولىعىپ، اڭگىمەلەسكەن بولاتىن.
مۇرات ايتقوجا.
egemen.kz
