نايب ءمۇفتيى حالال سەرتيفيكاتىن تابىستادى - فوتو

استانا. قازاقپارات - بۇگىن قازاقستان مۇسىلماندارى ءدىني باسقارماسى ءتوراعاسىنىڭ ورىنباسارى سەرىكباي قاجى وراز «اڭسار حالال» ج ش س كاسىپورىنىنىڭ باسشىلارىمەن كەزدەسىپ، ءدىني باسقارمانىڭ حالال سەرتيفيكاتىن تابىستادى، دەپ حابارلايدى ق م د ب باسپا ءسوز قىزمەتى.

وسى ۋاقىتقا دەيىن كاسىپورىننىڭ جۇمىسى ق م د ب بەكىتكەن حالال ەرەجەسىنە ساي ساراپتامادان وتكەن بولاتىن.

كەزدەسۋ بارىسىندا نايب ءمۇفتي سەرىكباي قاجى وراز: «حالال تىكەلەي دىنگە قاتىستى ۇعىم. جالپى حالالدى دامىتۋ، وركەندەتۋ ەڭ ءبىرىنشى، ەلدىڭ بولاشاعى ۇرپاق دەنساۋلىعى ءۇشىن ماڭىزدى. قازىرگى ۋاقىتتا ءدىني باسقارما وسى باعىتتا جۇمىس جاساپ جاتىر»، - دەدى.

«اڭسار حالال» كاسىپورىنىنىڭ ديرەكتورى اسقار تولەۋحان ۇلى سەرىكباي قاجىعا العىسىن ايتىپ، الداعى ۋاقىتتا بىرلەسىپ جۇمىس جاساۋعا دايىن ەكەندىگىن جەتكىزدى.

ايتا كەتەرلىگى، وسى ۋاقىتقا دەيىن حالال ونىمدەرىن وندىرەتىن جشس «حالال سۇلتان» ، ج ش س «اق نيەت» ، «الەل اگرو» اق كاسىپورىندارىنا ءدىني باسقارمانىڭ سەرتيفيكاتى بەرىلگەن بولاتىن.