11:56, 13 - ءساۋىر 2015 | GMT +5
جاپونيا پرەمەر- ءمينيسترى تامىز ايىندا ورتالىق ازيا مەملەكەتتەرىن ارالايدى
الماتى. قازاقپارات - تامىزدىڭ اياعىندا جاپونيا پرەمەر- ءمينيسترى سيندزو ابە قازاقستان، قىرعىزستان، تاجىكستان، تۇركمەنستان جانە وزبەكستان ەلدەرىنە بارادى.
«يوميۋري سيمبۋن» گازەتى حابارلاعانداي، بۇل 2006 - جىلدان بەرى جاپون ۇكىمەت باسشىسىنىڭ العاش رەت ورتالىق ازياعا جاساعان ساپارى بولماق.
«ابەنىڭ الداعى ساپارىنىڭ نەگىزگى ماقساتى - گاز، مۇناي جانە باسقا دا تابيعي رەسۋرستارعا باي ەلدەرمەن قارىم- قاتىناستى نىعايتۋ»، - دەپ حابارلايدى «يوميۋري سيمبۋن» گازەتى. سونىمەن قاتار تاراپتار وڭىردەگى ەسىرتكى ساۋداسى مەن تەرروريزم ماسەلەلەرىن تالقىلايدى. بۇعان دەيىن جاپونيانىڭ ەكس- پرەمەر- ءمينيسترى دزيۋنيتيرو كويدزۋمي 2006 - جىلى قازاقستان مەن وزبەكستانعا كەلگەن. ونىڭ استاناعا جاسالعان ساپارىنىڭ ناتيجەسىندە اتوم ەنەرگياسىن بەيبىت ماقساتتا پايدالانۋ سالاسىنداعى ىنتىماقتاستىقتى دامىتۋ بويىنشا ۇكىمەتارالىق مەموراندۋمعا قول قويىلعان بولاتىن.
www.khabar.kz
