دەنەسىندە ەرەكشە قالدارى بار التى ادام - فوتو

استانا. قازاقپارات - قالدار ادامداردى وزگەلەردەن ايرىقشا ەتەتىنى راس. الايدا كەي ادامدار قالدارىنىڭ كەسىرىنەن كوپشىلىكتەن ەرەكشە بولۋى سونشالىق، ولارعا قوعام ۇركي قارايدى.

Оddee.com شەتەلدىك سايتى نازارلارىڭىزعا قالدارى ومىرلەرىن وزگەرتكەن 6 ادامنىڭ فوتوسىن ۇسىنادى.

1. قاسقىر ادام. چۋنتسينا پروۆينتسياسىنىڭ چجان حونگمين ەسىمدى ادامى ءوز ەرەكشەلىگى ءۇشىن «شيمپانزە» دەگەن لاقاپ اتقا يە بولدى. دەنەسىنىڭ ۇلكەن بولىگىن الاتىن ءجۇن باسقان قارا قال الەم بويىنشا ادامداردىڭ تەك 3 پايىزىندا عانا كەزدەسەدى.

2. كلوۋن قىز. كىشكەنتاي كونني للويد ءدال مۇرنىندا تۇرعان قىزىل قالى ءۇشىن ەكى جىل بويىنا مازاقتاۋلارعا شىداپ كەلدى. كەيىن دارىگەرلەر قىزدىڭ قىزىل قالىن الىپ تاستاپ، ءبۇلدىرشىن ەل قاتارلى ءومىر سۇرە باستادى.

3. تاسباقا بالا. مۇنداي لاقاپ اتتى كولۋمبيالىق ديدە مونتالۆو دەنەسىندە ۇلكەن بولىپ وسكەن قالى ءۇشىن يەلەندى. بۇل سىرقاتتىڭ اتاۋى - پيگمەنتتىك نيەۆۋس.

6  جىل توقتاماي وسكەن قال بالانىڭ ارقاسىن تۇگەلدەي جاپقان. ونى سول ءۇشىن كەلەكەتىپ، مەكتەپكە جىبەرمەگەن. بالانىڭ اناسى لۋز وتا جاساتتىرۋعا قاراجات تابا الماي دەل-سال بولعان. الايدا لوندوندىق پلاستيكالىق وتاشى نيل بۋلستروۋد بالا جايلى ەستي سالىسىمەن، وعان تەگىن وتا جاساپ بەرگەن. بالا ەندى باسقالارمەن بىردەي تىنىش ومىردەن راقات الۋدا.

4. سيىر قىز. 6 جاستاعى ءبۇلدىرشىن مەديتسينا قىزمەتكەرلەرىن بىرتىندەپ سيىرعا ۇقساي باستاۋىمەن ەسەڭگىرەتتى. بىرنەشە اي بۇرىن لي كسيوياننىڭ دەنەسىندە تەك كىشكەنتاي قارا قال بولاتىن. قال توقتاۋسىز قىزدىڭ دەنەسى مەن بەتىنە ءجۇن باسقان كۇيدە وسە باستادى.

دارىگەرلەر بۇل اۋىتپاۋشىلىق تۇقىم قۋالايتىن ەمى جوق سىرقات ەكەندىگىن ايتقان. قىز بالا وسى كۇيىندە جۇرۋگە ءماجبۇر.

5. ءازازىل بالا. دارىگەرلەر بالانىڭ ۇلكەن قالىن ەمدەۋ ءۇشىن ماڭدايىنىڭ ىشىنە يمپلانتاتسيا ورناتقان. 5 جاسار دجوردج ەشمەنگە تەرىسىن قالدىڭ ورنىنا قاپتاتتىرۋ ءۇشىن دارىگەرلەر تەرى سوزعىش ەكى قۇرىلعىنى سالعان.

بالا ءتورت اي بويى مۇيىزگە ۇقساس قۇرىلعىمەن جۇرۋگە ءماجبۇر بولعان. اينالاسىنداعىلار ونى كىشكەنتاي ءازازىل دەپ كۇلكىگە اينالدىرعانىمەن، ءبۇلدىرشىن قيىندىقتارعا توتەپ بەرىپ، قالىنان كوپ ۇزاماي تولىقتاي ارىلعان.

6. التى جاسار قىتايلىق ان چي ەسىمدى بالا بەتىنىڭ جارتىسىن تولىقتاي جاپقان ءجۇندى قالىمەن دۇنيەگە كەلدى. قالى شاش تۇسىن دا الماستىرعانىن بايقاعان مين ي ەسىمدى وتاشى وعان تەگىن وتا جاساتۋعا ۇىسىنىس جاساعان.

NUR. KZ