عالامتوردا «جىر جاۋھارى» اتتى پوەزيا وقۋلارى بايقاۋى جاريالاندى
بايقاۋعا قاتىسۋعا نيەت بىلدىرگەندەر تومەندە ۇسىنىلعان 15 اقىننىڭ ولەڭدەرىن (قالاعان اقىنىنان 1 ولەڭ) ءوزى وقىپ، وعان بەينە روليك نەمەسە اۋديو نۇسقاسىن جاساۋى ءتيىس. ۇسىنىلاتىن اقىندار: اباي قۇنانبايەۆ، شاكارىم قۇدايبەردى ۇلى، سۇلتانماحمۇت تورايعىروۆ، ماعجان جۇمابايەۆ، ءىلياس جانسۇگىروۆ، ساكەن سەيفۋللين، قاسىم امانجولوۆ، مۇقاعالي ماقاتايەۆ، جۇمەكەن ناجىمەدەنوۆ، تولەگەن ايبەرگەنوۆ، قادىر مىرزا ءالى، تۇمانباي مولداعاليەۆ، فاريزا وڭعارسىنوۆا، جۇماتاي جاقىپبايەۆ، ءامىرحان بالقىبەك.
قاتىسۋشىلاردىڭ جاس مولشەرىنە شەكتەۋ قويىلمايدى. بايقاۋ جەڭىمپازدارىن ارنايى قۇراممەن بەلگىلەنگەن قازىلار القاسى انىقتايدى. جۇمىستار 2015-جىلدىڭ 1- قاراشاسىنا دەيىن قابىلدانادى.
ينتەرنەت بايقاۋدىڭ قورىتىندىسى بويىنشا ءار اقىننىڭ ۇزدىك ورىندالعان شىعارمالارى بويىنشا گران-پري - بىرەۋ، 1- ورىن - بىرەۋ، 2- ورىن - ۇشەۋ، 3- ورىن - بەسەۋ جۇلدەلى ورىندارى تاعايىندالادى.
سونداي-اق ۇزدىك دەپ تانىلعان تۋىندىلار بەس ارنايى جۇلدەمەن ماراپاتتالادى. جەڭىمپازداردى ماراپاتتاۋ قاراشا ايىندا استانا قالاسىندا ەسترادا جۇلدىزدارىنىڭ قاتىسۋىمەن سالتاناتتى تۇردە وتەدى.
