ا ق ش- تا ءۇش جاسار بالا ۇيدەن تاۋىپ العان تاپانشامەن ءبىر جاسار ءسابيدى اتىپ تاستادى

 استانا. قازاقپارات - امەريكالىق كليۆلەندتە (وگايو شتاتى) ءۇش جاسار بالا ابايسىزدا ءبىر جاستاعى بالاعا وق اتقان.

 بۇل تۋرالى قالالىق پوليسيا وكىلدەرى مالىمدەدى، دەپ حابارلادى ت ا س س.

  ولاردىڭ ايتۋىنشا، ءسابي دەرەۋ اۋرۋحاناعا جەتكىزىلگەن. الايدا ونىڭ ءومىرىن ساقتاپ قالۋ مۇمكىن بولمادى. ولار اعايىندى ما، جوق پا، بۇل دەرەك ناقتىلانبادى.

پوليسەيلەر حابارلاعانداي، وقيعا ورىن العان ساتتە ۇيدە بىرنەشە بالا جانە ءبىر ەرەسەك ادام بولعان. قارۋدى قاراۋسىز قالدىرعان ادامعا ايىپ تاعىلاتىن بولادى.

ا ق ش- تا مۇنداي وقيعالار ءجيى ورىن الۋدا. ناۋرىزدا حيۋستوندا (تەحاس شتاتى) ءتورت جاسار بالا كۇتۋشىنىڭ ۇيىنەن تاۋىپ العان تاپانشامەن ءوز- وزىنە وق اتىپ، قازا تاپقان بولاتىن.