عالىمدار: شىعارماشىلىقپەن اينالىسۋ ەستە ساقتاۋ قابىلەتىن جاقسارتادى

استانا. قازاقپارات - شىعارماشىلىق پەن قولونەر ۇيىرمەسىنە باراتىن ورتا جاستاعى جانە قارت ادامداردىڭ ەستە ساقتاۋ جانە ويلاۋ قابىلەتى تومەندەمەيدى، دەيدى ساراپشىلار.

مۇنداي ارەكەتتەر ميدىڭ جۇمىسىن بەلسەندىرىپ، نەيرونداردىڭ تىرشىلىك ارەكەتىن ساقتايدى.

ءارى، شىعارماشىلىقپەن اينالىسۋ جاڭا نەيرونداردىڭ تۇزىلۋىنە سەپتەسەدى، دەپ اتاپ ءوتتى مايو كلينيكاسىنىڭ مامانى روۋزباد روبەرتس.

شىعارماشىلىق ەڭبەكتىڭ ادامعا اسەرىن تەكسەرۋ ءۇشىن زەرتتەۋگە ورتاشا جاسى 87 جاستى قۇرايتىن 256 ادام قاتىسقان. زەرتتەۋدىڭ باسىندا ادامداردا ەستە ساقتاۋ جانە ويلاۋ قابىلەتتەرىندە پروبلەمالار بايقالماعان، دەپ جازدى Zee News. ەرىكتىلەر قانشالىقتى شىعارماشىلىق ۇيىرمەلەرگە قاتىساتىنى، تەاترعا باراتىنى جانە دوستارىمەن ارالاساتىنى تۋرالى سۇراقتارعا جاۋاپ بەرگەن. سونداي-اق ولار عالامتوردى پايدالانعانىن نە پايدالانباعانىن، كومپيۋتەر ويىندارىنا قىزىققانىن نە ولاردى ەلەمەگەنىن ايتتى.

4 جىلدان كەيىن 121 ادامدا ورتاشا دەڭگەيدەگى كوگنيتيۆتى اۋىتقۋشىلىقتار بايقالعان. الايدا شىعارماشىلىق ۇيىرمەلەرگە بارعانداردا بۇل كورسەتكىش %73 عا كەم بولعان. شىعارماشىلىق جۇمىسپەن اينالىسۋ بۇل قاتەردى %45 عا، بەلسەندى الەۋمەتتەنۋ - %55 عا، ال كومپيۋتەردى پايدالانۋ - %53 عا كەمىتكەن.