08:05, 13 - ءساۋىر 2015 | GMT +5
اكەسى بالاسىن جىلدام ۇيىقتاتۋدىڭ وڭتايلى ءتاسىلىن ويلاپ تاپتى - كەسكىن
استانا. قازاقپارات - ۇلى بريتانيا تۇرعىنى نەيتان دەيلو ءسابيىن نەبارى 40 سەكۋند ىشىندە ۇيىقتاتۋدىڭ تاماشا ءتاسىلىن ويلاپ تاپتى.
ول مۇنى بەينە كامەراعا ءتۇسىرىپ، روليكتى YouTube جەلىسىنە سالدى، دەپ جازادى The Mirror.
بەينەروليك بىردەن عالامتور پايدالانۋشىلارىنىڭ زور قىزىعۋشىلىعىن تۋدىردى. ونداعى كادرلاردا نەيتاننىڭ ءوز بالاسىن ۇيىقتاتا الماي اۋرەگە تۇسكەنى بەينەلەنگەن. الايدا تاپقىر بريتاندىق ساسپاي، جۇمساق پاپيروس قاعازىن الىپ، ونىمەن نارەستەنىڭ بەتىنەن بىرنەشە رەت سيپاپ وتەدى. وسىنداي ارەكەتتەردى 40 سەكۋند ىشىندە بىرنەشە رەت قايتالاعان سوڭ بوبەك قاپەرسىز ۇيىقتاپ كەتەدى.
ءسابيدىڭ اكەسى بۇل ارەكەتىنىڭ بالاسىنا اسەر ەتۋىنىڭ سەبەپتەرىن بىلمەگەنىمەن، ءتاسىلىنىڭ ءتيىمدى ەكەنىنە سەنىمدى.
