بۇگىن رەسپۋبليكانىڭ باسىم بولىگىندە جاڭبىر جاۋادى

استانا. قازاقپارات - رەسپۋبليكانىڭ باتىس جانە سولتۇستىك-باتىسىندا جاۋىن-شاشىنسىز اۋا رايى ساقتالادى، قالعان بولىگىندە اتموسفەرالىق فرونتالدى بولىكتەردىڭ وتۋىنە بايلانىستى، كەي جەرلەردە جاۋىن-شاشىن ( كوبىنەسە جاڭبىر)، تۇمان، جەلدىڭ كۇشەيۋى كۇتىلەدى.

 

وڭتۇستىك، وڭتۇستىك-شىعىستىڭ كەي جەرلەرىندە نايزاعاي كۇتىلەدى. بۇل تۋرالى قازگيدرومەت حابارلادى.

اقمولا، قوستاناي، قاراعاندى وبلىستارىنىڭ كەي جەرلەرىندە تۇمان، جەل 15-20 م/س بولادى. الماتى، پاۆلودار، شىعىس قازاقستان، تۇندە سولتۇستىك قازاقستان وبلىستارىنىڭ كەي جەرلەرىندە جەل 15-22 م/س كۇشەيەدى.  قىزىلوردا، وڭتۇستىك قازاقستان وبلىستارىنىڭ كەي جەرلەرىندە نايزاعاي كۇتىلىپ، جەل 15-20 م/س كۇشەيەدى. جامبىل وبلىسىنىڭ كۇندىز كەي جەرلەرىندە نايزاعاي كۇتىلىپ، جەل 15-20 م/س بولادى.