وڭتۇستىك كورەيا تۇرعىندارى جاپپاي ەرەۋىلگە شىقتى

استانا. قازاقپارات - سەۋلدە باس كوتەرگەن حالىق پرەزيدەنت عيماراتىنا وتپەك بولىپ، ءتارتىپ ساقشىلارىمەن قاقتىعىسىپ قالدى.

ەل استاناسىنىڭ كوشەلەرىنە شىققان 2 مىڭعا جۋىق ادام وسىدان ءبىر جىل بۇرىنعى پاروم اپاتىنىڭ تەرگەۋ امالدارىنا نارازى.

ەل ۇكىمەتى اتىشۋلى ءىستىڭ اق-قاراسىن اجىراتۋعا ارالاسىپ، كەدەرگى كەلتىردى دەپ شاعىمداندى شەرۋشىلەر. نارازىلىق شاراسى «سيەۆول» كەمەسى اپاتىنا جىل تولۋىنا وراي ۇيىمداستىرىلعان.

ەستەرىڭىزدە بولسا، بىلتىر ءساۋىردىڭ 16 سى كۇنى وڭتۇستىك كورەيا جاعالاۋىندا بورتىندا 476 جولاۋشى بار پاروم سۋعا كەتكەن ەدى. قايعىلى وقيعا 295 ادامنىڭ ءومىرىن جالمادى. مارقۇمداردىڭ 250 ى 15 پەن 19 جاس شاماسىنداعى وقۋشىلار بولاتىن. ال 9 ادامنىڭ دەنەسى سول كۇيى تابىلعان جوق.

www.24.kz