12:12, 12 - ءساۋىر 2015 | GMT +5
قىتاي نەپالمەن تىكەلەي بايلانىستى ارتتىرۋدىڭ توتە جولىن تاپتى
استانا. قازاقپارات - تاۋەكەلگە بەت بۇرعان الىپ ەل ەكى ارادا كولدەنەڭ تۇرعان ايگىلى ەۆەرەست شىڭىنىڭ استىمەن وتەتىن تەمىرجول تۋننەلىن سالۋعا بەل بايلاعالى وتىر.
قازىرگى كۇنگە دەيىن ەكى ەل اراسىندا تەمىرجول سالىنباعاندىقتان، مۇنداي ماگيسترالدىڭ توسەلۋىنە نەپالدىڭ ءوزى دە ىڭعاي بىلدىرگەن جايى بار.
كورشىسىنىڭ كوڭىلىن قالدىرۋدى قالاماعان قىتاي ۇلكەن قادامنىڭ العاشقى ءساتىن باستاعانىمەن، ونى جۇزەگە اسىرۋعا تارتىلاتىن ەڭبەك كۇشى وڭايعا تۇسپەيدى. ەۆەرەستىڭ استىمەن وتەتىن تەمىرجول قاتىناسىندا قاۋىپسىزدىك ءبىرىنشى كەزەكتە ەسكەرىلەتىندىكتەن، ءجۇرۋ جىلدامدىعى ساعاتىنا 120 شاقىرىم شاماسىندا عانا بولماق.
«حابار»
