ۇرىمجىدە «توزاق قاقپاسى» پايدا بولدى - كەسكىن

استانا. قازاقپارات - كورشىلەس قىتايداعى ءۇرىمجى قالاسىنىڭ ىرگەسىندە جالىن اتقان ويىق جەر پايدا بولعانىن وتكەندە ايتقان بولاتىنبىز.

قازىرگى ۋاقىتتا تاۋ ەتەگىندەگى تاڭعاجايىپ قۇبىلىستى تاماشالاۋعا جان-جاقتان ادامدار اعىلۋدا. شۇڭقىردىڭ جانىنا بارىپ جاقىنداۋ مۇمكىن ەمەس. جەر استىنان جالىنداپ شىققان وتتىڭ تەمپەراتۋراسى 800 گرادۋسقا جۋىق. ونى جەرگىلىكتى بلوگەرلەر «توزاق قاقپاسى» دەپ اتاپتى. ال عالىمدار تاۋ ەتەگىندەگى ساڭىلاۋدى تولىق زەرتتەي الماي، ونىڭ قانشالىقتى تەرەڭ ەكەنىن انىقتالعان جوق.

گەولوگيالىق بيۋرو ماماندارىنىڭ پايىمداۋىنشا، بۇل -  كومىر قىرتىستارىنىڭ جالىنداۋىنان پايدا بولعان قۇبىلىس. ويتكەنى وڭىردە بەلسەندى جانارتاۋ جوق.

چىن لوڭ، ءورت ءسوندىرۋ ءبولىمىنىڭ ديرەكتورى:

- كوكتەم مەن كۇز مەزگىلى باستالعاندا بۇل ايماق ىلعي تۇتىندەپ جاتادى. ءبىراق ەشقاشان ەشبىر جەر ويىلىپ، تەسىلگەن ەمەس. كومىر كەن ورىندارى مۇندا 70- جىلدارى جۇمىس ىستەگەن بولاتىن. ءبىراق ءونىم ءوندىرۋ تەحنولوگياسىنىڭ ناشار بولۋىنان شاحتالاردا ءجيى ءورت شىعاتىن. كەيىن كوپ ۇزاماي ولار جابىلىپ قالدى.

www.24.kz